റിയാദ്: റിയാദിലെ അല്‍ നദീം ഡിസ്ട്രിക്ടില്‍ ലഹരിമരുന്ന് കടത്തിനെ സംബന്ധിച്ച് ഉണ്ടായ വെടിവയ്പ്പ് നടത്തിയ പ്രതികളെ പൊലിസ് പിടിയില്‍. ലഹരി മരുന്ന് കടത്തും വിതരണവും സംബന്ധിച്ച തര്‍ക്കമാണ് വെടിവയ്പ്പിലേക്ക് നയിച്ചതെന്നാണ് ലഭിക്കുന്ന വിവരം. തര്‍ക്കം മൂര്‍ച്ഛിച്ചതോടെ പ്രതികള്‍ ചേരിതിരിഞ്ഞ് വെടിവയ്ക്കുകയായിരുന്നു. വെടിവയ്പ്പില്‍ പങ്കുള്ള ഒരാള്‍ ഒളിവിലാണെന്നും ഇയാളെ പിടികൂടാന്‍ ശ്രമിക്കുന്നതായും പൊലിസ് അറിയിച്ചു.

കഴിഞ്ഞ ദിവസം വാഹനങ്ങളില്‍ എത്തിയ പ്രതികള്‍ ചേരിതിരിഞ്ഞ് വെടിവയ്ക്കുന്നതിന്റെ വീഡിയോ ഒരാള്‍ മൊബൈല്‍ ഫോണില്‍ പകര്‍ത്തി സമൂഹമാധ്യമങ്ങളിലൂടെ പ്രചരിപ്പിച്ചിരുന്നു.

Argument over drug trafficking in Riyadh, followed by gunfire; The accused were arrested