വേനൽക്കാലത്ത് സാധാരണയായി വൈദ്യുതി ഉപയോഗം കൂടുകയും, അതുവഴി വൈദ്യുതി ബില്ലിൽ വർദ്ധനവുണ്ടാവാറുമുണ്ട്, എങ്കിൽ ഈ മാസം ഉപഭോക്താക്കൾക്ക് ആശ്വാസകരമായ ഒരു വാർത്തയാണ് വരുന്നത്. സംസ്ഥാന വൈദ്യുതി മന്ത്രിയുടെ പ്രഖ്യാപനമനുസരിച്ച്, വൈദ്യുതി ഉപയോഗ നിരക്കിനൊപ്പം സർക്കാർ ഈടാക്കുന്ന ഇന്ധന സർചാർജിൽ കുറവ് വരുന്നു.

കഴിഞ്ഞ മാസങ്ങളിൽ ഇന്ധന സർചാർജിൽ ക്രമാനുഗതമായ കുറവ് രേഖപ്പെടുത്തിയിട്ടുണ്ട്. ജനുവരിയിൽ ഒരു യൂണിറ്റിന് 19 പൈസയായിരുന്നത് ഫെബ്രുവരിയിൽ 10 പൈസയായി കുറഞ്ഞു. മാർച്ചിൽ ഇത് വീണ്ടും കുറയുകയാണ്.

പുതിയ നിരക്കുകൾ

പ്രതിമാസം ബില്ല് ലഭിക്കുന്ന ഉപഭോക്താക്കൾക്ക് യൂണിറ്റിന് 6 പൈസയുടെ കുറവും രണ്ട് മാസത്തിലൊരിക്കൽ ബില്ല് ലഭിക്കുന്നവർക്ക് യൂണിറ്റിന് 8 പൈസയുടെ കുറവുമുണ്ടാകും. ദ്വൈമാസ ബില്ല് ലഭിക്കുന്ന ഗാർഹിക കണക്ഷനുകളിൽ 1,000 രൂപയുടെ ബില്ലിൽ ഏകദേശം 2 രൂപയുടെ കുറവാണ് പ്രതീക്ഷിക്കുന്നത്. രണ്ട് മാസത്തിൽ 450 യൂണിറ്റ് വൈദ്യുതി ഉപയോഗിക്കുന്ന ഒരു വീട്ടിൽ നിലവിലെ കറണ്ട് ചാർജ് 3,000 രൂപയാണ്. ഇതിൽ 45 രൂപയാണ് ഇന്ധന സർചാർജ്. പുതിയ നിരക്ക് പ്രകാരം ഇത് 36 രൂപയായി കുറയും. അതായത്, 3,000 രൂപയുടെ ബില്ലിൽ 9 രൂപയുടെ കുറവ് വരും.