ദുബൈ: ഗതാഗത നിയമലംഘനം നടത്തിയ ഒരു വാഹനം അഡ്വാൻസ്ഡ് സ്മാർട്ട് റഡാർ നിരീക്ഷണ സംവിധാനങ്ങൾ പിടിച്ചെടുത്തതിനെ തുടർന്ന് ദുബൈ പൊലിസ് ഒരു വാഹനം പിടിച്ചെടുക്കുകയും ഡ്രൈവറെ വിളിച്ചു വരുത്തുകയും ചെയ്തു. പൊതുവഴിയിൽ ഡ്രൈവറുടെ മടിയിൽ ഇരുന്ന് ഒരു കുട്ടി കാർ ഓടിക്കുന്ന ദൃശ്യങ്ങളാണ് നിരീക്ഷണ സംവിധാനങ്ങൾ പിടിച്ചെടുത്തത്.

#News | Dubai Police's Smart Radars Detect Driver Holding Child in Lap, Endangering Both Lives

Details:https://t.co/ty8jaehZAb#RoadSafety#SafetyAndSecurity pic.twitter.com/0LcSuOhMhh

— Dubai Policeشرطة دبي (@DubaiPoliceHQ) March 14, 2025

നഗരത്തിലെ അത്യാധുനിക നിരീക്ഷണ സാങ്കേതികവിദ്യ ഉപയോഗിച്ചാണ് നിയമലംഘനം രേഖപ്പെടുത്തിയതെന്ന് ദുബൈ പൊലിസിലെ ജനറൽ ഡിപ്പാർട്ട്‌മെന്റ് ഓഫ് ട്രാഫിക് ഡയറക്ടർ മേജർ ജനറൽ സെയ്ഫ് മുഹൈർ അൽ മസ്രൂയി വ്യക്തമാക്കി. സംഭവത്തെത്തുടർന്ന് ഡ്രൈവറെ ചോദ്യം ചെയ്യാൻ വിളിപ്പിക്കുകയും വാഹനം കസ്റ്റഡിയിലെടുക്കുകയും ചെയ്തു. നിയമലംഘനത്തിന് ഡ്രൈവർക്ക് 2,000 ദിർഹം പിഴയും 23 ബ്ലാക്ക് ട്രാഫിക് പോയിന്റുകളും 60 ദിവസത്തെ വാഹന കണ്ടുകെട്ടലും ലഭിക്കും. യുഎഇ ട്രാഫിക് നിയമപ്രകാരം 10 വയസ്സിന് താഴെയുള്ളതും, 145 സെന്റിമീറ്ററിൽ താഴെ ഉയരമുള്ളതുമായ കുട്ടികൾ മുൻ സീറ്റുകളിൽ ഇരിക്കുന്നത് നിരോധിച്ചിട്ടുണ്ടെന്നും അദ്ദേഹം കൂട്ടിച്ചേർത്തു.

ഡ്രൈവറുടെ പ്രവൃത്തി കുട്ടിയുടെ സുരക്ഷയെ അപകടത്തിലാക്കുന്നതും മറ്റ് റോഡ് ഉപയോക്താക്കൾക്ക് കാര്യമായ അപകടസാധ്യതകൾ സൃഷ്ടിക്കുകയും ചെയ്തുവെന്ന് ദുബൈ പൊലിസ് എക്‌സിൽ പോസ്റ്റ് ചെയ്ത ഒരു ചിത്രത്തിൽ വ്യക്തമാക്കി. 

മാതാപിതാക്കൾ കൂടുതൽ ജാഗ്രത പാലിക്കണമെന്നും, ഇത്തരം അപകടകരമായ പ്രവൃത്തികൾ ദുബൈ പൊലിസ് ആപ്പിലൂടെയും, 901 എന്ന നമ്പറിൽ വിളിച്ചും റിപ്പോർട്ട് ചെയ്യാൻ അൽ മസ്രൂയി ജനങ്ങളെ പ്രോത്സാഹിപ്പിച്ചു.

Dubai Police have taken action against a driver who used a smart radar to conceal a child on their lap while driving, highlighting the authorities' commitment to road safety and child protection.