കോട്ടയം: മോഷണക്കേസിലെ പ്രതിയെ പിടികൂടുന്നതിനിടെ പോലീസുകാരന് കുത്തേറ്റു. ഗാന്ധിനഗർ പോലീസ് സ്റ്റേഷനിലെ സിവിൽ പോലീസ് ഓഫീസർ സുനു ഗോപിക്കാണ് കുത്തേറ്റത്. കോട്ടയം എസ്.എച്ച് മൗണ്ടിൽ ഒളിവിൽ കഴിഞ്ഞിരുന്ന അരുൺ ബാബുവിനെ അറസ്റ്റ് ചെയ്യുന്നതിനിടെയാണ് സംഭവം.

പ്രതി പോലീസിനെ കണ്ട് കൈവശം ഉണ്ടായിരുന്ന കത്തി വീശുകയായിരുന്നു. ഇതോടെ സുനു ഗോപിയുടെ ചെവിക്ക് പിന്നിലും താടിയിലും ഗുരുതരമായി മുറിവേറ്റു. ഉടൻ തന്നെ അദ്ദേഹത്തെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. പ്രാഥമിക പരിശോധനയിൽ ചെവിക്ക് പിന്നിലെ മുറിവ് ആഴമുള്ളതാണെന്ന് ഡോക്ടർമാർ സ്ഥിരീകരിച്ചു.

അരുൺ ബാബു കഴിഞ്ഞ ദിവസം മള്ളുശ്ശേരിയിൽ ഒറ്റയ്ക്ക് കഴിഞ്ഞ വീട്ടമ്മയെ ബന്ദിയാക്കി സ്വർണ്ണവും പണവും കവർന്ന കേസിലെ പ്രതിയാണെന്ന് പോലീസ് വ്യക്തമാക്കി. ഒരാഴ്ചയായി ഇയാളെ പിടികൂടാൻ പോലീസ് തിരച്ചിൽ നടത്തിവരികയായിരുന്നു. പൊൻകുന്നം പോലീസ് സ്റ്റേഷനിലെ സാമൂഹ്യവിരുദ്ധരുടെ പട്ടികയിൽ ഉൾപ്പെട്ട അരുൺ ബാബു, ലഹരി കേസുകളിലും നിരവധി ക്രിമിനൽ പ്രവർത്തികളിലും പ്രതിയായിട്ടുണ്ടെന്ന് പോലീസ് കൂട്ടിച്ചേർത്തു.

A policeman was stabbed while arresting a theft case suspect at S.H. Mount. Civil Police Officer Sunu Gopi of Gandhinagar Police Station sustained deep injuries behind his ear and on his chin after the suspect, Arun Babu, attacked him with a knife