ബാങ്ക് ജീവനക്കാരുടെ സംയുക്ത സംഘടനയായ യുണൈറ്റഡ് ഫോറം ഓഫ് ബാങ്ക് യൂണിയൻസ് (UFBU) ഈ മാസം 24, 25 തീയതികളിൽ ദ്വിദിന പണിമുടക്കിന് ആഹ്വാനം ചെയ്തിരുന്നു. പണിമുടക്ക് ഒഴിവാക്കാൻ ഇന്ത്യൻ ചീഫ് ലേബർ കമ്മീഷണറുടെ നേത്രത്തിൽ നടത്തിയ അനുരഞ്ജനങ്ങൾ പരാജയപ്പെട്ടതിനെ തുടർന്ന് പണിമുടക്ക് നിശ്ചയിച്ച തീയതികളിൽ നടത്തും. ബാങ്കിങ് സേവനങ്ങൾക്ക് ഈ ദിവസങ്ങളിൽ തടസ്സം നേരിടാം. മാര്‍ച്ച് 23 ഞായറാഴ്ചയും തുടർന്ന് മാര്‍ച്ച് 24, 25 തീയതികളിലെ പണിമുടക്കും കൂടിയാകുമ്പോൾ മൂന്ന് ദിവസത്തെ ബാങ്ക് സേവങ്ങൾ ലഭിക്കാതെ വരും.

ബാങ്കിംഗ് മേഖലയിലെ പ്രവൃത്തി ആഴ്ച അഞ്ച് ദിവസമാക്കുക, കൂടുതല്‍ ജീവനക്കാരെ നിയമിക്കുക, താത്കാലിക ജീവനക്കാരെ സ്ഥിരപ്പെടുത്തുക തുടങ്ങിയ ആവശ്യങ്ങളാണ് UFBU മുന്നോട്ടുവെക്കുന്നത്. ഈ ആവശ്യങ്ങള്‍ അംഗീകരിക്കപ്പെട്ടില്ലെങ്കില്‍ സമരം കര്‍ശനമായി നടപ്പാക്കുമെന്ന് യൂണിയന്‍ നേതാക്കള്‍ വ്യക്തമാക്കി. പൊതുമേഖലാ ബാങ്കുകളുടെ പ്രവര്‍ത്തനം പ്രധാനമായും തടസ്സപ്പെടുമെങ്കിലും, സ്വകാര്യ ബാങ്കുകള്‍ സാധാരണ നിലയില്‍ പ്രവര്‍ത്തിച്ചേക്കാം.

പണിമുടക്ക് മൂലം പണമിടപാടുകള്‍, ചെക്ക് ക്ലിയറന്‍സ്, വായ്പാ അനുമതി തുടങ്ങിയ സേവനങ്ങള്‍ മുടങ്ങാന്‍ സാധ്യതയുണ്ട്. ഉപഭോക്താക്കള്‍ക്ക് ബുദ്ധിമുട്ട് ഒഴിവാക്കാന്‍ മുന്‍കൂട്ടി ആവശ്യമായ ഇടപാടുകള്‍ പൂര്‍ത്തിയാക്കണമെന്ന് ബാങ്ക് അധികൃതര്‍ നിര്‍ദേശിച്ചു. ഡിജിറ്റല്‍ ബാങ്കിംഗ് സേവനങ്ങള്‍ക്ക് വലിയ തടസ്സമുണ്ടാകില്ലെങ്കിലും, ശാഖകളില്‍ നേരിട്ടെത്തുന്ന ഇടപാടുകള്‍ക്ക് പ്രശ്നങ്ങള്‍ നേരിടേണ്ടി വരും.

Bank employees’ unions have called for a nationwide strike on March 24 and 25, 2025, which may disrupt banking services across India. The United Forum of Bank Unions (UFBU), a collective of nine unions, is behind this two-day protest.