റിയാദ്: സഊദി അറേബ്യയിലെ റെഡ് സീ ഗ്ലോബലിന്റെ (RSG) ഉടമസ്ഥതയിൽ പ്രവർത്തിക്കുന്ന ആദ്യത്തെ റിസോർട്ടായ ഷെബാരയെ 2025 ലെ ലോകത്തിലെ ഏറ്റവും മികച്ച സ്ഥലങ്ങളിൽ ഒന്നായി തിരഞ്ഞെടുത്ത് ടൈം മാ​ഗസിൻ. ആഡംബരവും സുസ്ഥിരതയും ആകർഷകമായ പ്രകൃതി സൗന്ദര്യവും ഒത്തുചേർന്ന അതുല്യമായ ഇടമായാണ് റിസോർട്ടിനെ എണ്ണിയിരിക്കുന്നത്. 

ചെങ്കടൽ തീരത്ത് സ്ഥിതി ചെയ്യുന്ന ഷെബാരയുടെ ഓവർവാട്ടർ, ബീച്ച്ഫ്രണ്ട് വില്ലകൾ ചെങ്കടലിന്റെ ടർക്കോയ്‌സ് എന്നിവ വളരെ ആകർഷണീയമാണ്. സഊദിയുടെ ആതിഥ്യമര്യാദയും മൂല്യങ്ങളും പ്രതിഫലിപ്പിക്കുന്ന അനുഭവങ്ങളും റിസോർട്ട് സമ്മാനിക്കുന്നു. അടുത്തിടെ  ആർ‌എസ്‌ജി പുറത്തിറക്കിയ പത്രക്കുറിപ്പ് പ്രകാരം ടൈം മാഗസിൻ റിസോർട്ടിന്റെ നൂതന രൂപകൽപ്പനയെ പ്രശംസിച്ചിട്ടുണ്ട്.

റിസോർട്ടിന്റെ വാസ്തുവിദ്യ പ്രകൃതി പരിസ്ഥിതിയുമായും റിസോർട്ടിൻെ‍റ ചുറ്റുഭാ​ഗവുമായും നന്നായി ഇണങ്ങുന്നു. സ്റ്റെയിൻലെസ് സ്റ്റീൽ കൊണ്ട് നിർമ്മിച്ച വില്ലകൾ ഇവിടത്തെ ​ഗംഭീരമായ കാഴ്ചയാണ്.  കരയിൽ നിന്നും 25 കിലോമീറ്റർ അകലെ സ്ഥിതി ചെയ്യുന്ന ഷെബാരയിലേക്ക് ബോട്ടു മാർ​ഗവും റെഡ് സീ ഇന്റർനാഷണൽ എയർപോർട്ടിൽ (RSI) നിന്നുള്ള സീപ്ലെയിൻ വിമാനം വഴിയും എത്തിച്ചേരാം.

Time Magazine selects Shebara Resort as one of the best places in the world