റിയാദ്: രാജ്യത്ത് ചെറിയ പെരുന്നാൾ നിസ്കാര സമയം പ്രഖ്യാപിച്ചു സഊദി അറേബ്യയിലെ ഇസ്ലാമിക കാര്യ മന്ത്രി ഷെയ്ഖ് അബ്ദുല്ലത്തീഫ് അൽ-ഷെയ്ഖ്. ഇതുപ്രകാരം സൂര്യൻ ഉദിച്ചു 15 മിനിറ്റ് കഴിഞ്ഞ് നിസ്കാരം തുടങ്ങും. ഈ സമയത്ത് തന്നെ നിശ്ചിത സ്ഥലങ്ങളിൽ നിസ്കാരം തുടങ്ങാൻ അധികൃതർ എല്ലാ മന്ത്രാലയ ശാഖകൾക്കും നിർദേശം നൽകി. സാധാരണയായി പെരുന്നാൾ നിസ്കാരം നടക്കുന്ന സ്ഥലങ്ങൾക്ക് സമീപമുള്ളതോ നിസ്‌കരത്തിനായി പൊതുവെ ഉപയോഗിക്കാത്തതോ ആയ പള്ളികളിലും ഇക്കുറി പ്രാർത്ഥനകൾ നടക്കും. 

നമസ്കാരം നടത്തുന്നതിനുള്ള നിർദ്ദേശങ്ങൾ വിശദീകരിക്കുന്ന സർക്കുലർ മന്ത്രാലയം ഇറക്കി.  

"ഈദ് നിസ്കാരം എല്ലാ നിയുക്ത പള്ളികളിലും നിർവഹിക്കണം. പള്ളികൾ ഈ അവസരത്തിനായി മുൻകൂട്ടി തയ്യാറാക്കിയിട്ടുണ്ടെന്ന് ഉറപ്പാക്കാൻ അറ്റകുറ്റപ്പണി ചെയ്യുന്ന കമ്പനികളെ ചുമതലപ്പെടുത്തിയിട്ടുണ്ട്. എല്ലാ പ്രദേശങ്ങളിലും ഉമ്മുൽ ഖുറ കലണ്ടർ അനുസരിച്ച് സൂര്യോദയത്തിന് 15 മിനിറ്റ് കഴിഞ്ഞ് ഈദ് അൽ ഫിത്തർ നമസ്കാരം നയിക്കാൻ നിയുക്ത ഇമാമുമാർക്ക് നിർദ്ദേശം നൽകിയിട്ടുണ്ട്. മഴ പെയ്യുന്ന സാഹചര്യം ഉണ്ടെങ്കിൽ വിശ്വാസികളുടെ സുരക്ഷയ്ക്കു വേണ്ടി നിയുക്ത പള്ളികൾക്കുള്ളിൽ തന്നെ നിസ്കാരം നിർവഹിക്കണമെന്നും സർക്കുലർ പറയുന്നു.

 പ്രാർത്ഥനയിൽ പങ്കെടുക്കുന്ന എല്ലാവർക്കും പരമാവധി സുഖസൗകര്യങ്ങൾ ഉറപ്പാക്കുന്നതിന് ഇലക്ട്രിക്കൽ സംവിധാനങ്ങൾ, എയർ കണ്ടീഷനിംഗ്, ഓഡിയോ ഉപകരണങ്ങൾ എന്നിവയിൽ അറ്റകുറ്റപ്പണികൾ നടത്തിയിട്ടുണ്ട് എന്നും മന്ത്രാലയം അറിയിച്ചു.

അതേസമയം സഊദി അറേബിയിൽ കഴിഞ്ഞദിവസങ്ങളിൽ ശക്തമായ മഴയാണ് രേഖപ്പെടുത്തിയത്. വെള്ളിയാഴ്ച സഊദിയുടെ വിവിധ ഭാഗങ്ങളില്‍ റെക്കോര്‍ഡ് മഴയാണ് പെയ്തത്. ഏറ്റവും കൂടുതല്‍ മഴ രേഖപ്പെടുത്തിയത് മക്ക മേഖലയിലെ തായിഫ് ഗവര്‍ണറേറ്റിലെ സരാര്‍ പ്രദേശത്താണ്. 64 മില്ലിമീറ്റര്‍ മഴയാണ് സരാറില്‍ പെയ്തിറങ്ങിയത്. റിയാദ്, മക്ക, അസീര്‍, ഖാസിം, കിഴക്കന്‍ പ്രവിശ്യ, ഹായില്‍, ജസാന്‍, നജ്‌റാന്‍, അല്‍ ബഹ, അല്‍ ജൗഫ് എന്നിവിടങ്ങളിലൂം നല്ല മഴ ലഭിക്കുകയുണ്ടായി.

Saudi Arabia's Minister of Islamic Affairs Sheikh Abdullatif Al-Sheikh announced the timings for Eid al-Fitr prayers in the country. According to the announcement, the prayer will begin 15 minutes after sunrise.