ഒമാൻ കൺസ്യൂമർ പ്രൊട്ടക്ഷൻ അതോറിറ്റി (CPA) രാജ്യത്ത് പ്രവർത്തിക്കുന്ന എല്ലാ ഓൺലൈൻ സേവനദാതാക്കളും ബന്ധപ്പെട്ട അധികൃതരിൽ നിന്ന് അംഗീകാരം നേടിയിരിക്കേണ്ടത് നിർബന്ധമാണെന്ന് പ്രഖ്യാപിച്ചു. ചൊവ്വാഴ്ചയാണ് (2025 മെയ് 20) CPA ഇത് സംബന്ധിച്ച ഉത്തരവിറക്കിയത്.

CPAയുടെ നിർദേശ പ്രകാരം, ഒമാനിൽ പ്രവർത്തിക്കുന്ന എല്ലാ ഓൺലൈൻ സേവനദാതാക്കളും കൺസ്യൂമർ പ്രൊട്ടക്ഷൻ നിയമങ്ങളും അനുബന്ധ നിയമവ്യവസ്ഥകളും പാലിക്കേണ്ടതുണ്ട്. ഇ-കൊമേഴ്‌സ് മേഖലയിലെ ഉപഭോക്തൃ അവകാശങ്ങൾ സംരക്ഷിക്കാനാണ് ഈ നടപടി.

⚖️ بموجب قانون حماية المستهلك ولائحته التنفيذية، يُلزم المزوِّد بالالتزام بالمتطلبات التالية في حالات التعاقد عن بُعد ⬇️#لتسوقٍ_آمن #هيئة_حماية_المستهلك pic.twitter.com/haurnOd55v

— هيئة حماية المستهلك - سلطنة عُمان (@cpa_oman) May 20, 2025

പാലിക്കേണ്ട നിബന്ധനകൾ

1) ബന്ധപ്പെട്ട അധികൃതരിൽ നിന്ന് പ്രവർത്തനത്തിനുള്ള മുൻകൂർ അനുമതി ലഭിച്ചിരിക്കണം.

2) വെബ്സൈറ്റുകളിൽ പ്രദർശിപ്പിച്ചിരിക്കുന്ന ഉൽപ്പന്നങ്ങളുടെ ചിത്രങ്ങളും വിവരങ്ങളും യഥാർത്ഥ ഉൽപ്പന്നവുമായി പൊരുത്തപ്പെടുന്നതായിരിക്കണം.

3) ഉൽപ്പന്ന വിതരണ സമയം, സ്ഥലം, രീതി എന്നിവ കൃത്യമായി ഉപഭോക്താവിനെ അറിയിക്കണം.

4) എക്സ്ചേഞ്ച്, റിട്ടേൺ എന്നിവ സംബന്ധിച്ച് വ്യക്തമായ നയങ്ങൾ ഉണ്ടായിരിക്കണം.

ഈ നിയമങ്ങൾ പാലിക്കാത്ത സേവനദാതാക്കൾക്കെതിരെ നടപടി എടുക്കുമെന്നും CPA വ്യക്തമാക്കി. 

The Oman Consumer Protection Authority has introduced new regulations requiring online service providers to obtain accreditation. This move aims to enhance consumer protection and ensure that online services meet certain standards. Providers must comply with the new requirements to operate in Oman.