എറണാകുളം: ഇരുമ്പനത്ത് ഭർതൃപീഡനത്തെ തുടർന്ന് യുവതി ആത്മഹത്യ ചെയ്‌തതെന്ന പരാതിയുമായി കുടുംബം. ഇരുമ്പനം ചിത്രപ്പുഴ മൂന്നാംകുറ്റി പറമ്പിൽ സത്യന്റെ മകൾ എം.എസ്. സംഗീത (26) ആണ് കഴിഞ്ഞ ദിവസം തൂങ്ങിമരിച്ച നിലയിൽ കണ്ടെത്തിയത്. ഭർത്താവ് തിരുവാങ്കുളം ചക്കുപറമ്പ് വീട്ടിൽ അഭിലാഷ് പണമാവശ്യപ്പെട്ട് നിരന്തരം മർദിച്ചിരുന്നതായാണ് കുടുംബത്തിന്റെ പരാതി.

സംഗീത ജോലി ചെയ്യുന്ന സ്ഥലത്തേക്ക് എത്തി ഭർത്താവ് ബഹളമുണ്ടാക്കുകയും ആത്മഹത്യയ്ക്ക് മുൻദിവസം വീട്ടിൽ വച്ച് വീണ്ടും മർദിക്കുകയുമായിരുന്നുവെന്ന് ബന്ധുക്കൾ ആരോപിക്കുന്നു. എൽ.കെ.ജി.യിലും അങ്കണവാടിയിലുമായി പഠിക്കുന്ന രണ്ട് കുട്ടികളാണ് സംഗീതയ്ക്കുള്ളത്.

മരണത്തിൽ ദുരൂഹത ആരോപിച്ച് ബന്ധുക്കൾ ഹിൽപാലസ് പൊലീസിൽ പരാതി നൽകി. അസ്വാഭാവിക മരണത്തിന് കേസെടുത്ത് പൊലീസ് അന്വേഷണം ആരംഭിച്ചു.

A 26-year-old woman, M.S. Sangeetha, was found hanging at her home in Irumbanam. Her family alleges that her husband, Abhilash, physically abused her over financial demands. They claim he even caused disturbances at her workplace and assaulted her the day before her death.