വന്യമൃഗങ്ങളെ പറ്റിയുള്ള നിരവധി വിഡിയോകള്‍ നമ്മള്‍ ഓരോ ദിവസവും സോഷ്യല്‍ മിഡിയയിലൊക്കെ കാണാറുണ്ട്. അതില്‍ തന്നെ കൗതുകമുള്ളതും പേടിപ്പെടുത്തുന്നവയുമൊക്കെയും കണ്ടിട്ടുമുണ്ട്. എന്നാല്‍ ഒരു നായയാണ് ഇവിടെ കഥാപാത്രം. ഈ വളര്‍ത്തുനായ തന്റെ വീട്ടിലേക്കു വന്ന ഒരു പുലിയെ കുരച്ച് ഓടിക്കുന്ന ദൃശ്യങ്ങളാണ് വൈറലാകുന്നത്. 

 രാത്രിയാണ് സംഭവം നടക്കുന്നത്. ഇര തേടി വീടിന്റെ മുന്‍വശത്തേക്ക് പതുങ്ങിപ്പതുങ്ങി വരുകയാണ് ഒരു പുലി. വീടിന്റെ മുന്നിലെത്തിയ പുലി പടികള്‍ കയറി അകത്തേക്ക് കയറാനുള്ള ശ്രമത്തിലാണ്. അപ്പോഴാണ് വളര്‍ത്തുനായ പുലിയെ കണ്ടത്. അതോടെ പട്ടി നിര്‍ത്താതെ കുരയ്ക്കാന്‍ തുടങ്ങി. പട്ടിയുടെ കുരകേട്ട് ഭയന്നു വിറച്ച പുലി ജീവനും കൊണ്ടോടുന്നതാണ് വിഡിയോയുടെ അവസാനം കാണുന്നത്. സുശാന്ത നന്ദ ഐഎഫ്എസ് ആണ് വിഡിയോ പങ്കുവച്ചിട്ടുള്ളത്.