ചണ്ഡിഗഡ്: 89,420 കിലോഗ്രാം കിവിപഴങ്ങള്‍ കസ്റ്റംസ് നടപടികളിലെ താമസം മൂലം നശിച്ച സംഭവത്തില്‍ കസ്റ്റംസിന് ചണ്ഡിഗഡ് ഹൈക്കോടതിയുടെ കടുത്ത വിമര്‍ശനം. കസ്റ്റംസ് വകുപ്പ് പഴക്കച്ചവടക്കാരന് 50 ലക്ഷം രൂപ നഷ്ടപരിഹാരം നല്‍കണമെന്നും കോടതി ഉത്തരവിട്ടു. ജസ്റ്റിസ് സഞ്ജീവ് പ്രകാശ് ശര്‍മ്മയും സഞ്ജയ് വസിഷ്ഠയും അടങ്ങിയ രണ്ടംഗബെഞ്ചിന്റേതാണ് ഈ വിധി.

2023ല്‍ ലുധിയാനയിലെ ഒരു പഴക്കച്ചവടക്കാരന് സംഭവിച്ച നഷ്ടമാണ് ഈ കേസിന് ആസ്പദമായ സംഭവം. ചിലിയില്‍ നിന്ന് ദുബൈ വഴി ഇറക്കുമതി ചെയ്ത 89,420 കിലോഗ്രാം കിവിപഴങ്ങള്‍ (80,478 ഡോളര്‍ മൂല്യം, ഏകദേശം 66 ലക്ഷം രൂപ) മൂന്ന് മാസത്തിലേറെ മുന്ദ്ര തുറമുഖത്ത് കുടുങ്ങിക്കിടന്നു. കസ്റ്റംസ് നടപടികളിലെ താമസം മൂലം എല്ലാ പഴങ്ങളും നശിച്ചു പോകുകയും കച്ചവടക്കാരന് വലിയ സാമ്പത്തിക നഷ്ടമുണ്ടാകുകയും ചെയ്തു.

ട്രാന്‍സ്‌ലൈനര്‍ മാരിടൈം പ്രൈവറ്റ് ലിമിറ്റഡ് ഷിപ്പിംഗ് കമ്പനിയെയും മുന്ദ്ര, ലുധിയാന കസ്റ്റംസ് ഉദ്യോഗസ്ഥരെയും കോടതി കടുത്ത ഭാഷയില്‍ വിമര്‍ശിച്ചു. 'തികച്ചും നിരുത്തരവാദപരമായ പെരുമാറ്റം' എന്നാണ് കോടതി ഇതിനെ വിശേഷിപ്പിച്ചത്. കസ്റ്റംസ് തീരുവയുടെ തിരിച്ചുനല്‍കല്‍, ആറ് ശതമാനം വാര്‍ഷിക പലിശ എന്നിവയോടൊപ്പം 50 ലക്ഷം രൂപ നഷ്ടപരിഹാരം നല്‍കാനും കോടതി ഉത്തരവിട്ടു. കേടുവരുന്ന ചരക്കുകള്‍ വേഗത്തില്‍ മോചിപ്പിക്കേണ്ടതിന്റെ ആവശ്യകതയും കോടതി ഊന്നിപ്പറഞ്ഞു.

Chandigarh High Court has strongly criticized customs authorities after 89,420 kg of imported kiwi fruits worth ₹66 lakh rotted due to clearance delays at Mundra port. A division bench ordered ₹5 lakh compensation to the Ludhiana-based fruit importer, calling the 3-month detention of perishable goods "completely irresponsible." The court also mandated refund of customs duty with 6% interest.