ന്യൂയോര്‍ക്ക്: ലഗേജില്‍ നിന്നും പവര്‍ ബാങ്ക് കണ്ടെത്തിയതിനെ തുടര്‍ന്ന് അമേരിക്കയിലെ അങ്കറേജ് വിമാനത്താവളത്തില്‍ എട്ടു മണിക്കൂര്‍ തടഞ്ഞുവച്ചതായി ഇന്ത്യന്‍ യുവതി. പ്രമുഖ സംരംഭകയായ ശ്രുതി ചതുര്‍വേദിയാണ് പരാതിയുമായി രംഗത്തെത്തിയത്. 

ലഗേജില്‍ പവര്‍ ബാങ്ക് കണ്ടെത്തിയതിനാലാണ് തന്നെ അധികൃതര്‍ തടഞ്ഞുവച്ചതെന്ന് യുവതി സമൂഹമാധ്യമമായ എക്‌സില്‍ കുറിച്ചു. ഒരു ക്യമറക്കു മുന്നില്‍ വച്ച് ഒരു പുരുഷ ഉദ്യോഗസ്ഥനാണ് തന്റെ ദേഹപരിശോധന നടത്തിയതന്നെും തണുപ്പിനെ ചെറുക്കാന്‍ വേണ്ടി ധരിച്ചിരുന്ന മേല്‍വസ്ത്രം അഴിച്ചുവാങ്ങിയെന്നും പറഞ്ഞ യുവതി ഇതിനു ശേഷം ശീതീകരിച്ച മുറിയില്‍ തന്നെ ഇരുത്തിയെന്നും ആരോപിച്ചു. ഇതിനിടയില്‍ ഒരു ഫോണ്‍ കോള്‍ പോലും ചെയ്യാന്‍ ഉദ്യോഗസ്ഥര്‍ അനുവദിച്ചില്ലെന്നും എക്‌സില്‍ പങ്കുവച്ച കുറിപ്പില്‍ പറയുന്നു.

Imagine being detained by Police and FBI for 8 hours, being questioned the most ridiculous things, physically checked by a male officer on camera, stripped off warm wear, mobile phone, wallet, kept in chilled room, not allowed to use a restroom, or make a single phone call, made…

— Shruti Chaturvedi 🇮🇳 (@adhicutting) April 8, 2025

സങ്കല്‍പ്പിക്കാനാകാത്ത ഏറ്റവും മോശം എട്ടു മണിക്കൂറിലുടയാണ് താന്‍ കടന്നുപോയതെന്നും ശുചിമുറി ഉപയോഗിക്കാന്‍ പോലും അവര്‍ തന്നെ സമ്മതിച്ചില്ലെന്നും യുവതി പറഞ്ഞു. വിദേശകാര്യ മന്ത്രാലയത്തെ ഉള്‍പ്പെടെ ടാഗ് ചെയ്താണ് യുവതി കുറിപ്പ് പങ്കുവച്ചത്.

ഇന്ത്യ ആക്ഷന്‍ പ്രോജക്ടിന്റെ സ്ഥാപകയാണ് ശ്രുതി ചതുര്‍വേദി. വിമാനത്താവളത്തിലെ അധികൃതരുടെ വംശീയതക്ക് താന്‍ ഇരയായതായി ഒരു ദേശീയ മാധ്യമത്തിനോട് ശ്രുതി പറഞ്ഞു. സോഷ്യല്‍ മീഡിയയില്‍ അധികൃതര്‍ക്കെതിരെ വ്യാപക വിമര്‍ശനമാണ് ഉയരുന്നത്.