ഗുഡ്ഗാവ്: ഭർത്താവിന്റെ കൺ മുമ്പിൽ വെച്ച് ഭാര്യ കാമുകന്റേ കുത്തേറ്റ് മരിച്ച ദാരുണ സംഭവമാണ് ഗുഡ്ഗാവിനടുത്ത ബിനോള ഗ്രാമത്തിൽ നിന്ന് പുറത്തുവരുന്നത്. 24 കാരിയായ നീലമാണ് കൊല്ലപ്പെട്ടത്. ഭർത്താവ് നൽകിയ വിവരത്തിന്റെ അടിസ്ഥാനത്തിൽ കാമുകന്മാരിൽ ഒരാളായ വിനോദിനെ പോലീസ് അറസ്റ്റ് ചെയ്തു.

ബിനോള ഗ്രാമത്തിലാണ് നീലവും ഭർത്താവും താമസിച്ചിരുന്നത്. ഇരുവരും ഗ്രാമത്തി‌നുള്ളിൽ തന്നെ ജോലിചെയ്ത് ജീവിച്ചിരുന്നവരാണ്. കഴിഞ്ഞ ചൊവ്വാഴ്ച ജോലിയ്ക്ക് ശേഷം വീട്ടിലേക്ക് എത്തിയ ഭർത്താവ് കാണുന്നത് കറിക്കത്തി കൊണ്ടുള്ള കുത്തേറ്റ് രക്തത്തിൽ കുളിച്ച നിലയിലായിരുന്ന ഭാര്യയെയാണ്. ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.

പോലീസിന് നൽകിയ മൊഴിയിൽ, ഭാര്യക്ക് രണ്ട് പേരോടു പ്രണയമുണ്ടായിരുന്നുവെന്ന് ഭർത്താവ് വ്യക്തമാക്കി. വിനോദ്, സുധീർ എന്നവരാണ് കാമുകന്മാർ. സംഭവത്തിനു മുൻ ദിവസം നീലവും വിനോദും തമ്മിൽ തർക്കമുണ്ടായിരുന്നു. നീലം വീട്ടിൽ നിന്നും പോകണമെന്ന് ആവശ്യപ്പെട്ടതിനെ തുടർന്ന് വിഷമിച്ച വിനോദ് അടുക്കളയിൽ ഉണ്ടായിരുന്ന കറിക്കത്തി ഉപയോഗിച്ച് നീലത്തെ കുത്തുകയായിരുന്നു.

പ്രതിയായ വിനോദ് സംഭവശേഷം രക്ഷപ്പെടുകയും പിന്നീട് ഉത്തർപ്രദേശിലെ ഷാജഹാൻപൂർ ജില്ലയിലെ കാണ്ഡ്വാചക് ഗ്രാമത്തിൽ നിന്ന് പോലീസ് ഇയാളെ പിടികൂടുകയും ചെയ്തു. ഇയാളെ ചോദ്യം ചെയ്ത് കൂടുതൽ വിവരങ്ങൾ പുറത്തെടുക്കുമെന്ന് പോലീസ് അറിയിച്ചു.

A 24-year-old woman named Neelam was allegedly stabbed to death by one of her lovers in Binola village near Gurgaon. According to her husband, Neelam was in relationships with two men. A quarrel broke out between her and one lover, Vinod, who fatally stabbed her with a kitchen knife. Based on the husband's statement, police arrested Vinod from Uttar Pradesh’s Shahjahanpur district.