ചെന്നൈ: തമിഴ്‌നാട് രാഷ്ട്രീയത്തില്‍ പുതിയ വഴിത്തിരിവ്. എഐഎഡിഎംകെ വീണ്ടും എന്‍ഡിഎ സഖ്യത്തില്‍ ചേര്‍ന്നു. 2026ലെ നിയമസഭ തെരഞ്ഞെടുപ്പില്‍ ഒന്നിച്ച് മല്‍സരിക്കുമെന്ന് എടപ്പാടി പളനി സ്വാമിയുടെ (ഇപിഎസ്) സാന്നിധ്യത്തില്‍ യൂണിയന്‍ മന്ത്രി അമിത് ഷാ പ്രഖ്യാപിച്ചു. പ്രധാനമന്ത്രി നരേന്ദ്ര മോദിയുടെയും ഇപിഎസിന്റെയും നേതൃത്വത്തിലാണ് തെരഞ്ഞെടുപ്പില്‍ മല്‍സരിക്കുക.

തമിഴ്‌നാട്ടില്‍ എന്‍ഡിഎ സഖ്യം അധികാരത്തിലെത്തുമെന്ന് വ്യക്തമാക്കിയ അദ്ദേഹം, എഡപ്പാടി കെ. പളനിസ്വാമിയുടെ നേതൃത്വത്തിലായിരിക്കും സഖ്യം തെരഞ്ഞെടുപ്പിനെ നേരിടുകയെന്നും വ്യക്തമാക്കി. എഐഎഡിഎംകെ എന്‍ഡിഎയില്‍ ചേര്‍ന്നിരിക്കുന്നത് യാതൊരു ഉപാധികളുമില്ലാതെയാണെന്നും അമിത് ഷാ അറിയിച്ചു. ഒപിഎസ്, ടിടിവി ദിനകരന്‍ തുടങ്ങിയവരെ സഖ്യത്തില്‍ ഉള്‍പ്പെടുത്തുമോ എന്ന ചോദ്യത്തിന്, എഐഎഡിഎംകെയുടെ ആഭ്യന്തര കാര്യങ്ങളില്‍ സഖ്യം ഇടപെടില്ലെന്നായിരുന്നു മറുപടി. സീറ്റ് വിഭജനം, മന്ത്രിസഭാ രൂപീകരണം തുടങ്ങിയ വിഷങ്ങള്‍ പിന്നീട് ചര്‍ച്ച ചെയ്യുമെന്നും അദ്ദേഹം പറഞ്ഞു.

ഡിഎംകെയ്ക്ക് ആശയക്കുഴപ്പം വേണ്ടെന്നും ഭിന്നാഭിപ്രായങ്ങളുള്ള വിഷയങ്ങളില്‍ പൊതുവായ ഒരു നിലപാടെടുക്കുമെന്നും അമിത് ഷാ വ്യക്തമാക്കി. എഡപ്പാടി കെ. പളനിസ്വാമിയായിരിക്കും മുഖ്യമന്ത്രി സ്ഥാനാര്‍ത്ഥിയെന്നും അദ്ദേഹം സ്ഥിരീകരിച്ചു.

In a major political shift, AIADMK has officially rejoined the NDA alliance for the 2026 Tamil Nadu Assembly elections. Union Home Minister Amit Shah announced the alliance in Chennai, confirming that AIADMK will contest under PM Modi's leadership. Shah stated that Edappadi Palaniswami will be NDA's CM face and dismissed any conditions behind the reunion.