പാലക്കാട്: 2022-ല്‍ പ്രായപൂര്‍ത്തിയാകാത്ത പെണ്‍കുട്ടിയെ ലൈംഗികമായി പീഡിപ്പിച്ച കേസില്‍ പ്രധാന പ്രതിയായ അബ്ദുല്‍ അസീസിനെ റിയാദില്‍ നിന്ന് അറസ്റ്റ് ചെയ്തു. മണ്ണാര്‍ക്കാട് പൊലീസ് ഇന്റര്‍പോളിന്റെ സഹായത്തോടെയാണ് റിയാദിലെത്തി പ്രതിയെ അറസ്റ്റ് ചെയ്തത്.

തെങ്കര വെള്ളാരംകുന്ന് മാളികയില്‍വീട്ടില്‍ അബ്ദുല്‍ അസീസ്, പെണ്‍കുട്ടിയുടെ ചെറിയമ്മയുമായുള്ള സൗഹൃദം ദുരുപയോഗപ്പെടുത്തിയാണ് അതിജീവിതയെ പീഡിപ്പിച്ചത്. കേസുമായി ബന്ധപ്പെട്ട് കുട്ടിയുടെ ചെറിയമ്മയെ പൊലിസ് അറസ്റ്റ് ചെയ്തിരുന്നു.

പീഡനത്തിനു പിന്നാലെ ഗള്‍ഫിലേക്ക് കടന്നുകളഞ്ഞ പ്രതിയെ നിയമനടപടികള്‍ പൂര്‍ത്തിയാക്കിയ ശേഷമാണ് അന്വേഷണ സംഘം റിയാദിലെത്തി അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതിയെ റിമാന്‍ഡില്‍ വിട്ടു.

A man accused of sexually assaulting a minor girl in 2022 has been arrested from Riyadh with the help of Interpol. The accused, Abdul Azees from Vellaramkunnu, Palakkad, was tracked down and taken into custody by Mannarkkad Police after being on the run post the incident.