കൊല്ലം: ഒമാനില്‍ ഒട്ടകത്തെ കാര്‍ ഇടിച്ചുണ്ടായ അപകടത്തില്‍ പരുക്കേറ്റ് ചികിത്സയില്‍ കഴിയുകയായിരുന്ന കൊല്ലം സ്വദേശിയുടെ മൃതദേഹം നാട്ടില്‍ സമസ്‌കരിച്ചു. പള്ളിത്തോട്ടം സംഗമം നഗര്‍ നാന്‍സി കോട്ടേജില്‍ വിക്ടര്‍ ഫ്രാന്‍സിസിന്റെയും മോളി വിക്ടറിന്റെയും മകന്‍ ജോസഫ് വിക്ടറിന്റെ (37) മൃതദേഹം ആണ് സംസ്‌കരിച്ചത്. 

കഴിഞ്ഞമാസം 26നാണ് ഒമാനിലുണ്ടായ വാഹനാപകടത്തില്‍ ജോസഫിന് സാരമായി പരുക്കേറ്റത്. ജോസഫ് വിക്ടറും കുടുംബവും സഞ്ചരിച്ചിരുന്ന കാര്‍ ഒട്ടകത്തെ ഇടിച്ചതിനെ തുടര്‍ന്നാണ് അപകടമുണ്ടായത്. ഒപ്പമുണ്ടായിരുന്ന ഭാര്യയും മക്കളും നിസ്സാര പരുക്കുകളോടെ രക്ഷപ്പെട്ടിരുന്നു. 
ആറു വര്‍ഷമായി ഒമാനില്‍ ജോലി ചെയ്തു വരുകയായിരുന്നു ജോസഫ്. 
ഭാര്യ: മേരി ആഗ്‌നസ് (നഴ്‌സ്, ആസ്റ്റര്‍ ഹോസ്പിറ്റല്‍ ഇബ്രി, ഒമാന്‍). 
മക്കള്‍: ജസീന്ത, ജസീക്ക. സഹോദരന്‍: വിക്ടര്‍ ബ്രൂണോ. 
നടപടികള്‍ പൂര്‍ത്തിയാക്കി കഴിഞ്ഞദിവസമാണ് മൃതദേഹം നാട്ടിലെത്തിച്ചത്.

Kollam native who was undergoing treatment for injuries sustained in a car-camel accident in Oman died