കാൻപൂർ: സോഷ്യൽ മീഡിയയിൽ വൈറലാവാൻ വേണ്ടി കാറിന്റെ ബോണറ്റിൽ നൃത്തം ചെയ്ത്, ഭർത്താവ് വാഹനമോടിക്കുമ്പോൾ അദ്ദേഹത്തിന്റെ മടിയിൽ കിടന്നുകൊണ്ട് വീഡിയോ എടുത്ത യുവതിക്ക് പിഴയായി 22,500 രൂപ ചുമത്തിയത് സാമൂഹിക മാധ്യമങ്ങളിൽ വലിയ ചര്‍ച്ചയാകുന്നു.

ബുന്ദേൽഖണ്ഡ് എക്സ്പ്രസ് വേയിൽ ചിത്രീകരിച്ച നിരവധി അപകടഭീഷണിയുള്ള വീഡിയോകളാണ് യുവതിയും ഭർത്താവും സോഷ്യൽ മീഡിയയിൽ പങ്കുവെച്ചത്. ഇവയിൽ ചിലത് വലിയ വിമർശനങ്ങളും നേടുകയും ചെയ്തിരുന്നു. ഏറ്റവുമധികം വിമർശനമേറ്റത് ഭർത്താവ് കാർ ഓടിക്കുമ്പോൾ യുവതി അദ്ദേഹത്തിന്റെ മടിയിൽ കിടക്കുന്ന ദൃശ്യങ്ങളാണ്.

ഈ വീഡിയോകളെ അടിസ്ഥാനമാക്കി കാൻപൂർ നഗര റീജിയണൽ ട്രാൻസ്‌പോർട്ട് ഓഫീസ് (RTO) അന്വേഷണം നടത്തി. പൊതു സുരക്ഷയ്ക്ക് ഭീഷണിയാകുന്ന വിധത്തിലുള്ള വ്യവഹാരങ്ങൾ നടത്തിയതിനാണ് 22,500 രൂപയുടെ പിഴ ചുമത്തിയതെന്ന് അധികൃതർ വ്യക്തമാക്കി.

കാർ ഔറയ്യയിലെ ബാരാമുപൂരിൽ താമസിക്കുന്ന ഉപേന്ദ്ര സിംഗ് ചൗഹാന്റെ പേരിലാണ് രജിസ്റ്റർ ചെയ്തിരുന്നത്. ഇയാൾക്കെതിരെയും അധികമായി 5,000 രൂപ പിഴ ചുമത്തിയിട്ടുണ്ട്. വാഹനത്തിന്റെ ബോണറ്റിൽ ചവിട്ടിയതും പൊതു സുരക്ഷയെ ബാധിച്ചെന്നാരോപിച്ചാണ് ഈ നടപടികൾ.

ഇതുപോലെ നിരവധി അപകടകരമായ വീഡിയോകൾ സോഷ്യൽ മീഡിയയിൽ പ്രതിദിനം കാണാനാകുന്നു. കുറച്ച് ദിവസങ്ങൾക്ക് മുമ്പ് പഞ്ചാബിലെ ലുധിയാനയിൽ, ജിടി റോഡിൽ രണ്ട് യുവതികൾ തിരക്കേറിയ റോഡിൽ നൃത്തം ചെയ്തുകൊണ്ട് എടുത്ത വീഡിയോയും വൈറലായിരുന്നു. എന്നാൽ ഇത്തരം പ്രവൃത്തികൾക്ക് ശക്തമായ നിയമനടപടികൾ ഏടുത്താൽ മാത്രമേ ഒഴിവാകൂവെന്ന് അധികൃതർ വീണ്ടും ഓർമ്മിപ്പിക്കുന്നു.

A woman was fined ₹22,500 by the Kanpur RTO after videos of her dancing on a moving car’s bonnet and lying on her husband's lap while he was driving went viral on social media. The stunts were performed on the Bundelkhand Expressway and raised serious safety concerns. The car, registered under Upendra Singh Chauhan from Baramupur, was also fined an additional ₹5,000. Authorities stated that such actions endanger public safety and violate traffic laws.