ലഖ്‌നൗ:2024ലെ യുപിഎസ് സി സിവിൽ സർവീസ് പരീക്ഷാഫലത്തിൽ ഒന്നാം റാങ്ക് കരസ്ഥമാക്കിയിരിക്കുന്നത് ഉത്തർപ്രദേശിലെ പ്രയാഗ് രാജ് സ്വദേശിനിയായ ശക്തി ദുബെയാണ്. യുപിഎസ് സി പ്രഖ്യാപിച്ച പട്ടികയിൽ 1009 ഉദ്യോഗാർത്ഥികളാണ് ഇത്തവണ യോഗ്യത നേടിയത്. ആറ് വർഷത്തിലേറെ നീണ്ട കഠിന പ്രയത്നവും അച്ചടക്കപരവുമായ പഠനമാണ് ശക്തിയെ ഈ നേട്ടത്തിലേക്ക് നയിച്ചത്.

വിദ്യാഭ്യാസം മുതൽ യുപിഎസ് സി വരെയുള്ള യാത്ര

അലഹബാദ് സർവകലാശാലയിൽ നിന്ന് ബിഎസ്‌സി ബിരുദം നേടിയ ശേഷമാണ് ശക്തിയുടെ സിവിൽ സർവീസ് ലക്ഷ്യത്തോട് സജീവമായ പരിശ്രമം ആരംഭിച്ചത്. 2018ൽ ബനാറസ് ഹിന്ദു സർവകലാശാലയിൽ നിന്ന് ബയോകെമിസ്ട്രിയിൽ എംഎസ്എസി നേടിയ ശേഷമായിരുന്നു യുപിഎസ് സി ഒരുക്കം തുടങ്ങിയത്. "എന്റെ സ്കൂൾ ബിരുദം വരെ പഠനം പ്രയാഗ് രാജിലായിരുന്നു. ബിഎസ്‌സിക്കുശേഷം ബിഎച്ച്‌യുവിൽ ബയോകെമിസ്ട്രി പഠിച്ചതാണ് എന്നെ മാറ്റിമറിച്ചത്," എന്നും ശക്തി മാധ്യമങ്ങളോട് പറഞ്ഞു.

ഓപ്ഷണൽ വിഷയങ്ങൾ:

സിവിൽ സർവീസ് പരീക്ഷയ്ക്ക് പൊളിറ്റിക്കൽ സയൻസ് (Political Science)ഉം ഇൻ്റർനാഷണൽ റിലേഷൻസ് (International Relations)ഉം ഓപ്ഷണൽ വിഷയങ്ങളായി തെരഞ്ഞെടുത്തു. ശക്തിയുടെ അക്കാദമിക് പശ്ചാത്തലം, സാമൂഹിക ബോധം, അധ്യാപനപരിചയം, നിരന്തരം നടന്ന ആത്മപരിശോധന — എല്ലാം ചേർന്നാണ് ഇവരുടെ വിജയത്തിലേക്ക് വഴിമാറിയത്.

ബനാറസ് ഹിന്ദു സർവകലാശാലയുടെ പങ്ക്

ബനാറസ് ഹിന്ദു സർവകലാശാലയിൽ പഠിച്ച കാലം ശക്തിയുടെ വ്യക്തിത്വവും വിജ്ഞാനവും പക്വമാക്കിയെന്നും, അവിടെ നേടിയ അനുഭവങ്ങളും ബന്ധങ്ങളും സിവിൽ സർവീസ് ലക്ഷ്യത്തിലേക്ക് തന്നെ അനുപ്രേരിപ്പിച്ചെന്നും അവര്‍ പറയുന്നു. അധ്യാപകത്വത്തിൽ നിന്നും സിവിൽ സർവീസ് പോലുള്ള വലിയ പരീക്ഷയിലേക്ക് ചുവടുവച്ച് നേട്ടം കൈവരിച്ച ശക്തി ഇന്ന് ലക്ഷങ്ങളായ യുവതയുടെ പ്രചോദനമാണ്.

വിജയത്തിന്റെ രഹസ്യം:

ആഴത്തിലുള്ള പഠനം, ക്രമബദ്ധമായ പഠന രീതികൾ, വ്യക്തമായ ലക്ഷ്യബോധം, ആത്മവിശ്വാസം – ഈ നാലും ചേർന്നതായിരുന്നതാണ് ശക്തിയുടെ വിജയത്തിന് പിന്നിലുള്ള പ്രധാനമായ ഘടകങ്ങൾ. യുപിഎസ് സിയിലേക്ക് ഒരുക്കം ആരംഭിക്കുന്ന പുതിയ തലമുറക്ക് ശക്തി ദുബെ യുടെ കഥ മികച്ച മാതൃകയായാണ് നിലനിൽക്കുന്നത്.

Shakti Dubey, a native of Prayagraj, secured All India Rank 1 in the UPSC Civil Services Examination 2024. A graduate from Allahabad University and a postgraduate in Biochemistry from Banaras Hindu University, Shakti dedicated over seven years to UPSC preparation. Her choice of Political Science and International Relations as optional subjects, combined with consistent discipline, deep academic grounding, and strong determination, played a key role in her success. She also credits her time at BHU for shaping her intellectual and personal growth.