ശ്രീനഗര്‍: ഇന്ന് രാവിലെ ബാരാമുള്ള സെക്ടറില്‍ നുഴഞ്ഞുകയറ്റത്തിന് ശ്രമിച്ച രണ്ട് ഭീകരരെ സൈന്യം വധിച്ചു. 'ഓപ്പറേഷന്‍ ടിക്ക' എന്ന പേരിട്ടിരിക്കുന്ന സൈനിക നടപടി പ്രകാരം മേഖലയില്‍ ഓപ്പറേഷന്‍ തുടരുകയാണെന്ന് സൈനികവൃത്തങ്ങള്‍ വ്യക്തമാക്കി.

അതേസമയം, പഹല്‍ഗാം ആക്രമണത്തില്‍ തങ്ങള്‍ക്ക് പങ്കില്ലെന്ന് പാകിസ്താന്‍ പ്രതിരോധ മന്ത്രി ഖാജ ആസിഫ് വ്യക്തമാക്കി. 'എല്ലാത്തരം ഭീകരവാദത്തെയും എതിര്‍ക്കുന്ന രാജ്യമാണ് പാകിസ്താന്‍' എന്നും സംഭവത്തില്‍ തങ്ങള്‍ക്ക് പങ്കില്ലെന്നും ഖാജ ആസിഫ് കൂട്ടിച്ചേര്‍ത്തു.

പഹല്‍ഗാം ആക്രമണത്തിന്റെ പശ്ചാത്തലത്തില്‍, ഇന്ത്യയുടെ ഭാഗത്തുനിന്ന് തിരിച്ചടയുണ്ടാകുമെന്ന ഭയം പാകിസ്ഥാനുണ്ട്. ഈ സാഹചര്യത്തില്‍ പാകിസ്താന്‍ നിയന്ത്രണരേഖയോട് ചേര്‍ന്നുള്ള ഗ്രാമങ്ങള്‍ ഒഴിപ്പിക്കുന്നുവെന്ന് റിപ്പോര്‍ട്ടുകളുണ്ട്.

ഇതിന് മുന്‍പ്, 2016ലെ ഉറി ആക്രമണത്തിന് സര്‍ജിക്കല്‍ സ്‌ട്രൈക്ക് വഴിയും 2019ലെ പുല്‍വാമ ആക്രമണത്തിന് ബലാക്കോട്ടിലെ ജൈഷെ ഇ മുഹമ്മദ് ക്യാമ്പിനെതിരെ വ്യോമാക്രമണം നടത്തിയും ഇന്ത്യ തിരിച്ചടിച്ചിരുന്നു. ഭീകരാക്രമണങ്ങള്‍ക്കെതിരെ ഇന്ത്യന്‍ സൈന്യം കടുത്ത നിലപാട് സ്വീകരിക്കുമെന്നതാണ് ഈ സംഭവങ്ങളിലൂടെ വ്യക്തമാകുന്നത്.

The Indian Army has foiled an infiltration attempt in the Baramulla sector of Srinagar, killing two militants. The operation, codenamed "Operation Tikka," is ongoing in the area. Security forces continue to remain vigilant, working to maintain peace and stability in the region