മസ്‌കത്ത്: കാര്യക്ഷമത മെച്ചപ്പെടുത്തുന്നതിനും സാമ്പത്തിക സുസ്ഥിരത കൈവരിക്കുന്നതും ലക്ഷ്യമിട്ട് നടപ്പാക്കുന്ന പുനഃസംഘടനയുടെ ഭാഗമായി ആയിരത്തോളം തസ്തികകള്‍ വെട്ടിക്കുറച്ച് ഒമാന്‍ എയര്‍. 500 പ്രവാസികളടക്കം ആയിരത്തോളം പേര്‍ക്ക് തൊഴില്‍ നഷ്ടമാകും.

വ്യവസായ മാനദണ്ഡങ്ങളുമായി ജീവനക്കാരുടെ നിലവാരം വിന്യസിക്കുന്നതിന് ഈ നീക്കം ആവശ്യമാണെന്ന് ഗതാഗത, ആശയവിനിമയ, വിവര സാങ്കേതിക മന്ത്രിയും ഒമാന്‍ എയര്‍, ഒമാന്‍ വിമാനത്താവളങ്ങളുടെ ചെയര്‍മാനുമായ സയീദ് ബിന്‍ ഹമൗദ് അല്‍ മാവാലി പറഞ്ഞു. പുനഃസംഘടനയ്ക്ക് മുമ്പ്, എയര്‍ലൈനിന്റെ ഏകദേശം 45 ശതമാനം ജീവനക്കാരും നോണ്‍-കോര്‍ ജീവനക്കാരായിരുന്നു. ഇത് പ്രാദേശിക ശരാശരിയേക്കാള്‍ വളരെ ഉയര്‍ന്ന കണക്കാണ്.
 
4,300 പേരായിരുന്നു മുമ്പ് ഒമാന്‍ എയറില്‍ ജോലി ചെയ്തിരുന്നത്. ഒമാന്‍ എയറിനു സമാനമായ അന്താരാഷ്ട്ര വിപണിമൂല്യമുള്ള കമ്പനികള്‍ ഇതേ സാഹചര്യത്തില്‍ വെറും 2,700പേര്‍ക്കു മാത്രമേ തൊഴില്‍ നല്‍കിയിരുന്നുള്ളൂ എന്ന് അല്‍ മാവാലി പറഞ്ഞു.

310 ജീവനക്കാര്‍ സ്വമേധയാ വിരമിക്കുകയായിരുന്നു എന്നാണ് പുറത്തുവരുന്ന റിപ്പോര്‍ട്ടുകള്‍. ജോലി നഷ്ടപ്പെട്ടവരില്‍ 400 പേര്‍ ഒമാനി പൗരന്മാരാണ്.

ഖത്തര്‍ എയര്‍വേയ്സിന് വിമാനങ്ങള്‍ വില്‍ക്കുന്നതുമായി ബന്ധപ്പെട്ട റിപ്പോര്‍ട്ടുകളോടും അല്‍ മാവാലി പ്രതികരിച്ചു. ലേലത്തിലൂടെയാണ് വിമാനങ്ങള്‍ വിറ്റതെന്നും പഴയ വിമാനങ്ങള്‍ ഇപ്പോള്‍ സജീവ ഉപയോഗത്തിലില്ലെന്നും അദ്ദേഹം പറഞ്ഞു.

Oman Air has announced the termination of 1,000 employees, including 500 expatriates, as part of a significant restructuring initiative aimed at enhancing operational efficiency and financial stability. The airline has offered severance packages and alternative employment opportunities to affected staff.