മോസ്‌കോ: യുക്രെയ്ന്‍-റഷ്യ യുദ്ധത്തില്‍ മൂന്ന് ദിവസത്തെ വെടിനിര്‍ത്തല്‍ പ്രഖ്യാപിച്ച് റഷ്യ. മേയ് 8 മുതല്‍ മേയ് 10 വരെയുള്ള കാലയളവില്‍ എല്ലാ യുദ്ധപ്രവര്‍ത്തനങ്ങളും താല്‍ക്കാലികമായി നിര്‍ത്തിവയ്ക്കുമെന്ന് ക്രെംലിന്‍ വ്യക്തമാക്കി. രണ്ടാം ലോകമഹായുദ്ധത്തില്‍ നാസി ജര്‍മനിക്കെതിരെ റഷ്യ നേടിയ വിജയത്തിന്റെ 80ാം വാര്‍ഷികത്തോടനുബന്ധിച്ചാണ് ഈ തീരുമാനം.

'യുക്രെയ്‌നും ഈ വെടിനിര്‍ത്തല്‍ പാലിക്കുമെന്ന് ഞങ്ങള്‍ പ്രതീക്ഷിക്കുന്നു. അതേസമയം, അവര്‍ പ്രകോപനം തുടര്‍ന്നാല്‍, റഷ്യന്‍ സൈന്യം ഉചിതമായ മറുപടി നല്‍കും' ക്രെംലിന്‍ പ്രസ്താവനയില്‍ അറിയിച്ചു. ഇതിന് മുന്‍പ്, ഈസ്റ്റര്‍ ആഘോഷങ്ങള്‍ക്കിടെ 30 മണിക്കൂര്‍ വെടിനിര്‍ത്തല്‍ റഷ്യ ഏര്‍പ്പെടുത്തിയിരുന്നു. എന്നാല്‍ വെടിനിര്‍ത്തലിനെക്കുറിച്ച് യുക്രെയ്ന്‍ ഇതുവരെ പ്രതികരിച്ചിട്ടില്ല.

Russia has announced a three-day ceasefire in the ongoing Ukraine war from May 8 to 10, coinciding with the 80th anniversary of Soviet victory over Nazi Germany. The Kremlin expects Ukraine to comply but warns of a strong response if provoked. Ukraine has not yet officially responded to the truce proposal.