ന്യൂഡല്‍ഹി: വിദേശകാര്യ സെക്രട്ടറി വിക്രം മിസ്രിക്കെതിരെ കടുത്ത സൈബറാക്രമണം. ഇന്ത്യ പാക് വെടിനിര്‍ത്തല്‍ പ്രഖ്യാപനത്തിന് പിന്നലെയാണ് മിസ്രിക്കും, കുടുംബത്തിനുമെതിരെ സമൂഹമാധ്യമങ്ങളില്‍ സൈബര്‍ അറ്റാക്കിങ് വ്യാപകമായത്. 

വഞ്ചകന്‍, ഒറ്റുകാരന്‍, പാകിസ്താന് രാജ്യം വിറ്റവന്‍ തുടങ്ങിയ അധിക്ഷേപ പരാമര്‍ശങ്ങളാണ് മിസ്രിക്കെതിരെ ഉയരുന്നത്. ഇദ്ദേഹത്തിന്റെ മകള്‍ക്കെതിരെയും ആക്ഷേപങ്ങളുണ്ട്. ഇതോടെ മിസ്രി തന്റെ ഔദ്യോഗിക എക്‌സ് അക്കൗണ്ട് ലോക്ക് ചെയ്തിരിക്കുകയാണ്. 

ALSO READ: പത്മനാഭസ്വാമി ക്ഷേത്രത്തിലെ കാണാതായ സ്വർണം മണൽപ്പരപ്പിൽ നിന്ന് കണ്ടെടുത്തു; സ്ട്രോങ് റൂമിൽ നിന്ന് മണലിലേക്ക് എങ്ങനെയെത്തി? അന്വേഷണം ഊർജിതം Read more 

അതേസമയം വെടിനിര്‍ത്തല്‍ നിലവില്‍ വന്നതിന് പിന്നാലെ ഓപ്പറേഷന്‍ സിന്ദൂറിന്റെ വിജയം തെളിവുകള്‍ നിരത്തി വിശദീകരിച്ച് കര-വ്യോമ-നാവിക സേന ഉദ്യോഗസ്ഥര്‍ വാര്‍ത്തസമ്മേളനം നടത്തി. മേയ് 7 ന് ഇന്ത്യ നടത്തിയ തിരിച്ചടിയില്‍ ഒന്‍പത് ഭീകരകേന്ദ്രങ്ങളിലായി നൂറിലധികം ഭീകരര്‍ കൊല്ലപ്പെട്ടതായി ഡിജിഎംഒ ലഫ്റ്റനന്റ് ജനറല്‍ രാജീവ് ഘായ് പറഞ്ഞു. 

കാണ്ഡഹാര്‍ വിമാനം റാഞ്ചല്‍, പുല്‍വാമ സ്‌ഫോടനം എന്നിവയില്‍ പങ്കാളിത്തമുള്ള ഭീകരവാദികള്‍ കൊല്ലപ്പെട്ടതായാണ് കണ്ടെത്തല്‍. ഭീകരവാദത്തിന്റെ ആസൂത്രകരെയും, ഭീകര കേന്ദ്രങ്ങളെയും തകര്‍ക്കുക എന്ന ലക്ഷ്യത്തോടെയാണ് ഓപ്പറേഷന്‍ സിന്ദൂര്‍ ആസൂത്രണം നടത്തിയതെന്നും സൈന്യം അറിയിച്ചു.

cyber attack against foreign secretary vikram misri