പാരീസ്: ചാമ്പ്യൻസ് ലീഗ് കലാശപ്പോരിലേക്ക് അഴ്സണലോ, പിഎസ്ജിയോ എന്ന് ഇന്നറിയാം. ഇന്ന് രാത്രി 12.30നാണ് മത്സരം. സ്വന്തം തട്ടകമായ പാർക്ഡെസ് പ്രിൻസസിലാണ് മത്സരമെന്നത് പിഎസ്ജിയുടെ കരുത്തുകൂട്ടും. സെമിഫൈനലിന്റെ ആദ്യ പാദത്തിൽ ആഴ്ണലിനെ എമിറേറ്റ്സ് സ്റ്റേഡിയത്തിൽ 1-0 ന് തകർത്താണ് പിഎസ്ജി ഇന്ന് രണ്ടാം പാദ മത്സരത്തിനിറങ്ങുന്നത്. എമിറേറ്റ്സിൽ നടന്ന ആദ്യ പാദ മത്സരത്തിൽ ഒസ്മാൻ ഡെംബലെയായിരുന്നു പിഎസ്ജിക്കായി ​ഗോൾ നേടിയത്. 

ഇന്നത്തെ  മത്സരം സമനിലയിൽ അവസാനിച്ചാൽ പോലും പിഎസ്ജി ഹാപ്പിയാണ്. ആദ്യ പാദത്തിൽ നേടിയ ഒരു ​ഗോൾ ലീഡിന്റെ ബലത്തിൽ അവർക്ക് ഫൈനലിലേക്ക് യോ​ഗ്യത നേടാം. എന്നാൽ ക്വാർട്ടറിൽ സാക്ഷാൽ റയൽ മാഡ്രിഡിനെ ഇരു പാദങ്ങളിലും തോൽപിച്ച് സെമിടിക്കറ്റെടുത്ത അർടേറ്റയെയും സംഘത്തെയും എഴുതിതള്ളാനാവില്ല. സ്പാനിഷ് കോച്ച് ലൂയിസ് എൻറികെയ്ക്ക് കീഴിൽ ശക്തരായ സംഘമാണ് പിഎസ്ജി. ആദ്യപാദ സെമിയിൽ നേടിയ ആധിപത്യം തുടരാനാവും ഇന്ന് പിഎസ്ജി ലക്ഷ്യമിടുക. സീസണിലെ ടീമിന്റെ കുന്തമുന ഒസ്മാൻ ഡെംബലെ പരപുക്കിൽ നിന്ന് മോചിതനായത് പിഎസ്‌ജിക്ക് ആശ്വാസം നൽകുന്ന ഒന്നാണ്. ഇതിനു മുൻപ് ഇരുടീമുകളും തമ്മിൽ അഞ്ചു മത്സരങ്ങളിൽ ഏറ്റുമുട്ടിയിട്ടുണ്ട്, ഇതിൽ പിഎസ്ജിയും ആഴ്സണലും ഓരോ തവണ വീതം ജയിച്ചപ്പോൾ. രണ്ട് മത്സരം സമനിലയിൽ അവസാനിക്കുകയായിരുന്നു. 

ഇറ്റാലിയൻ കരുത്തരായ ഇന്റർമിലാനെയാണ് ഇന്നത്തെ മത്സര വിജയികൾ ചാംപ്യൻസ് ലീ​ഗ് ഫൈനലിൽ നേരിടേണ്ടതായി വരിക. ഇന്ന് നടന്ന മറ്റൊരു സെമിയിൽ സ്പാനിഷ് വമ്പൻമാരായ ബാഴ്‌സലോണയെ കീഴടക്കിയാണ് ഇന്റർ മിലാൻ യുവേഫ ചാമ്പ്യൻസ് ലീഗ് ഫൈനലിൽ പ്രവേശിച്ചത്. സ്വന്തം തട്ടകത്തിൽ യൂറോപ്പിലെ തന്നെ ഏറ്റവും മികച്ച ക്ലബ്ബുകളിൽ ഒന്നായ ബാഴ്‌സയെ 4-3ന് മറികടന്നാണ് ഇന്റർ മിലാൻ ഫെനലിലേക്ക് മാർച്ച് ചെയ്തത്. 
സെമിയിൽ ഇരു പാദങ്ങളിലുമായി 7-6 എന്ന മാർജിനാണ് ഇന്ററിന്റെ ചാമ്പ്യൻസ് ലീഗ് ഫൈനൽ പ്രവേശനം. 

ഇന്റർ മിലാന്റെ മൂന്നാം യുവേഫ ചാമ്പ്യൻസ് ലീഗ് ഫൈനലാണിത്. കഴിഞ്ഞ മൂന്നു വർഷത്തിനിടെ രണ്ടാം തവണയാണ് ഇന്റർ ഫൈനലിൽ എത്തുന്നത്. ഇന്നു നടക്കുന്ന ആർസണൽ-പിഎസ്ജി മത്സരത്തിലെ വിജയികളാകും ജൂൺ ഒന്നിന് മ്യൂണിക്കിൽ നടക്കുന്ന ഫൈനൽ പോരിൽ ഇന്ററിന്റെ എതിരാളികൾ.

ലൗട്ടാരോ മാർട്ടിനസ്, ഹാക്കൻ ചലനോളു, ഫ്രാൻസെസ്‌കോ അചർബി, ഡേവിഡ് ഫ്രാറ്റസി എന്നിവർ ഇന്റർ മിലാനായി വല കുലുക്കിയപ്പോൾ എറിക് ഗാർസിയ, ഡാനി ഓൽമോ, റാഫീഞ്ഞ എന്നിവരാണ് ബാഴ്‌സക്കായി സ്‌കോർ ചെയ്തത്.

The highly anticipated second-leg semifinal of the Intercontinental Cup between Arsenal and PSG takes place today. Fans are eager to find out who will advance to the next stage. Stay tuned for live updates and match highlights!