ദുബൈ: പാകിസ്ഥാനിലെ വടക്കൻ വ്യോമാതിർത്തിയും വിമാനത്താവളങ്ങളും അടച്ച സാഹചര്യത്തിൽ ദുബൈയുടെ മുൻനിര വിമാനക്കമ്പനിയായ എമിറേറ്റ്സ് പാകിസ്ഥാനിലേക്കും തിരിച്ചുമുള്ള നിരവധി വിമാനങ്ങൾ റദ്ദാക്കി. 

ദുബൈ ആസ്ഥാനമായി പ്രവർത്തിക്കുന്ന എമിറേറ്റ്സ് പുറത്തിറക്കിയ യാത്രാ ഉപദേശപ്രകാരം ഈ റദ്ദാക്കൽ നിരവധി നഗരങ്ങളിലേക്കുള്ള സേവനങ്ങളെ ബാധിക്കും.

ഇന്ന് അവസാനമായി പരിഷ്കരിച്ച അപ്‌ഡേറ്റ് പ്രകാരം, ഇന്ന് (മെയ് 7) ഷെഡ്യൂൾ ചെയ്തിരിക്കുന്ന വിമാനങ്ങളെ മാത്രമേ റദ്ദാക്കലുകൾ ബാധിക്കുകയുള്ളു. 

റദ്ദാക്കിയ വിമാനങ്ങൾ

ദുബൈയിൽ നിന്ന് സിയാൽകോട്ടിലേക്കുള്ള EK618 വിമാനം

സിയാൽകോട്ടിൽ നിന്ന് ദുബൈയിലേക്കുള്ള EK619 വിമാനം

ദുബൈയിൽ നിന്ന് ലാഹോറിലേക്കുള്ള EK622 വിമാനം

ലാഹോറിൽ നിന്ന് ദുബൈയിലേക്കുള്ള EK623 വിമാനം

ദുബൈയിൽ നിന്ന് ലാഹോറിലേക്കുള്ള EK624 വിമാനം

ലാഹോറിൽ നിന്ന് ദുബൈയിലേക്കുള്ള EK625 വിമാനം

ദുബൈയിൽ നിന്ന് ഇസ്ലാമാബാദിലേക്കുള്ള EK612 വിമാനം

ഇസ്ലാമാബാദിൽ നിന്ന് ദുബായിലേക്കുള്ള EK613 വിമാനം

ദുബൈയിൽ നിന്ന് പെഷവാറിലേക്കുള്ള EK636 വിമാനം

പെഷവാറിൽ നിന്ന് ദുബൈയിലേക്കുള്ള EK63 വിമാനം

ലാഹോർ, സിയാൽകോട്ട്, ഇസ്ലാമാബാദ്, പെഷവാർ എന്നിവിടങ്ങളിലേക്കുള്ള കണക്ഷൻ വിമാനങ്ങളിൽ ബുക്ക് ചെയ്ത യാത്രക്കാരെ ഇനിയൊരു അറിയിപ്പ് ഉണ്ടാകുന്നതുവരെ യാത്രക്കായി സ്വീകരിക്കില്ലെന്ന് എമിറേറ്റ്സ് വ്യക്തമാക്കി. 

വിമാനങ്ങൾ റദ്ദാക്കിയ ഉപഭോക്താക്കൾ വിമാനത്താവളത്തിലേക്ക് പോകരുതെന്ന് നിർദ്ദേശിച്ചിട്ടുണ്ട്. കറാച്ചിയിലേക്കും തിരിച്ചുമുള്ള വിമാനങ്ങളെ ഈ റദ്ദാക്കലുകൾ ബാധിക്കില്ല. അവ പതിവ് ഷെഡ്യൂൾ അനുസരിച്ച് പ്രവർത്തിക്കുന്നു.

Emirates Airlines cancels several flights to Pakistan as part of 'Operation Sindoor'. Check latest updates on affected routes and travel advisories for UAE-Pakistan passengers.