ധാക്ക: പഹല്‍ഗാം ഭീകരാക്രമണത്തിന് തിരിച്ചടിയായി ബുധനാഴ്ച ഇന്ത്യ നടത്തിയ സൈനിക നീക്കം ഓപറേഷന്‍ സിന്ദൂറില്‍ ജയ്‌ഷെ തലവന്‍ മസ്ഊദ് അസ്ഹറിന്റെ  കുടുംബത്തിലെ 10 പേര്‍ കൊല്ലപ്പെട്ടതായി റിപ്പോര്‍ട്ട്. നാല് അനുയായികളും കൊല്ലപ്പെട്ടിട്ടുണ്ട്.  പാര്‍ലമെന്റ് ഭീകരാക്രമണത്തിന്റെ തലവനാണ് മസ്ഊദ് അസ്ഹര്‍. ഇക്കാര്യം ജെയ്‌ഷെ മുഹമ്മദ് സ്ഥിരീകരിച്ചിട്ടുണ്ട്. കൊല്ലപ്പെട്ടവരില്‍ മസ്ഊദ് അസ്ഹറിന്റെ മൂത്ത സഹോദരിയും അവരുടെ ഭര്‍ത്താവും അനന്തരവനും ഭാര്യയും കുട്ടികളുമുണ്ടെന്ന് ബി.ബി.സി ഉര്‍ദു റിപ്പോര്‍ട്ട് ചെയ്തു. 

ബുധനാഴ്ച ഇന്ത്യന്‍ സമയം പുലര്‍ച്ചെയായിരുന്നു കരസേനയുടെ ആക്രമണം. പഹല്‍ഗാമില്‍ 26പേരുടെ ജീവനെടുത്ത ഭീകരരുടെ ആക്രമണത്തിന് തിരിച്ചടിയായായുള്ള നീക്കത്തില്‍ പാകിസ്ഥാനിലെയും പാക് അധീന കശ്മീരിലെയും ഒമ്പത് ഭീകരകേന്ദ്രങ്ങളാണ് കരസേന തകര്‍ത്തത്. നാല് ജയ്‌ഷെ , മൂന്ന് ലശ്കറെ ത്വയ്യിബ, രണ്ട് ഹിസ്ബുല്‍ മുജാഹിദീന്‍ കേന്ദ്രങ്ങള്‍ എന്നിവ തകര്‍ത്തതില്‍ ഉള്‍പെടുന്നു. കോട്ട്‌ലി, മുറിദ്‌കെ, ബഹാവല്‍പൂര്‍, ചക് അമ്രു, ഭിംബര്‍, ഗുല്‍പൂര്‍, സിയാല്‍കോട്ട്, മുസാഫറബാദ്, ഭാഗ് എന്നിവിടങ്ങളിലായിരുന്നു ആക്രമണം. പാക് സൈനിക കേന്ദ്രങ്ങള്‍ക്ക് നേരെ  ആക്രമണം ഉണ്ടായിട്ടില്ലെന്നും കരസേന വ്യക്തമാക്കി. ആക്രമണത്തില്‍ 12 പേര്‍ കൊല്ലപ്പെട്ടു. 55 പേര്‍ക്ക് ആക്രമണത്തില്‍ പരിക്കേറ്റിട്ടുണ്ട്. ആക്രമണമുണ്ടായ വിവരം പാക് പ്രധാനമന്ത്രിയും സ്ഥിരീകരിച്ചിട്ടുണ്ട്.

കൂടുതല്‍ വിശദാംശങ്ങള്‍ ഉടന്‍ വെളിപ്പെടുത്തുമെന്നും പ്രതിരോധ മന്ത്രാലയം അറിയിച്ചു.  നീതി നടപ്പാക്കിയെന്നാണ് ആക്രമണത്തിന് ശേഷം സൈന്യം എക്‌സില്‍ കുറിച്ചത്. പഹല്‍ഗാമില്‍ കഴിഞ്ഞമാസം 22ന് വിനോദ സഞ്ചാരികള്‍ക്ക് നേരെ നടന്ന ഭീകരാക്രമണത്തില്‍ 26 പേരാണ് കൊല്ലപ്പെട്ടത്. ഇതിന് തിരിച്ചടിനല്‍കാന്‍ സൈന്യത്തിന് സര്‍ക്കാര്‍ പൂര്‍ണ അധികാരം നല്‍കിയിരുന്നു. തിരിച്ചടിയുടെ സമയവും സ്ഥലവും സൈന്യത്തിന് തീരുമാനിക്കാമെന്നും സര്‍ക്കാര്‍ വ്യക്തമാക്കിയിരുന്നു.

In retaliation for the Pahalgam terror attack, India launched a military strike on Wednesday under "Operation Sindoor," during which 10 family members of Jaish-e-Mohammed chief Masood Azhar were reportedly killed, along with four of his followers.