ലണ്ടൻ: ഇന്ത്യ-പാകിസ്ഥാൻ സംഘർഷം മൂലം ഐപിഎൽ താൽക്കാലികമായി നിർത്തിവെച്ചിരിക്കുകയാണ്. ഈ സാഹചര്യത്തിൽ ടൂർണമെന്റിലെ ബാക്കി മത്സരങ്ങൾ നടത്താൻ സന്നദ്ധത അറിയിച്ച് രം​ഗത്തെത്തിയിരിക്കുകയാണ് ഇംഗ്ലണ്ട് ആൻഡ് വെയിൽസ് ക്രിക്കറ്റ് ബോർഡ് (ഇസിബി). ഇസിബി ചെയർമാൻ റിച്ചാർഡ് ഗ്ലൗഡാണ് ഇക്കാര്യം ബിസിസിഐയെ അറിയിച്ചത്. പ്ലേഓഫ്, ഫൈനൽ എന്നിവ ഉൾപ്പെടെ 16 മത്സരങ്ങൾ ഇനി നടത്തേണ്ടിയിരിക്കുന്നു.

ജൂൺ 20-നാണ് ഇന്ത്യ - ഇംഗ്ലണ്ട് ടെസ്റ്റ് സീരീസ് ആരംഭിക്കുന്നത്. അഞ്ച് മത്സരങ്ങളുടെ പരമ്പരയാണ് നടക്കാനിരിക്കുന്നത്. ഈ സാഹചര്യത്തിൽ ഐപിഎല്ലിൽ പങ്കെടുക്കുന്ന ഇന്ത്യൻ താരങ്ങൾക്ക് ഇംഗ്ലണ്ടിൽ തുടരാൻ സൗകര്യമുണ്ടെന്ന് മുൻ ഇംഗ്ലണ്ട് ക്യാപ്റ്റൻ മൈക്കൽ വോൺ വ്യക്തമാക്കിയിരുന്നു. ഇതിന് മുൻപ്, ഈ മാസം അവസാനം മുതൽ ഇന്ത്യൻ എ ടീം ടൂർ മത്സരങ്ങളിൽ പങ്കെടുക്കും.

ഐപിഎലിന്റെ ബാക്കി മത്സരങ്ങൾ നടത്താൻ ഇംഗ്ലണ്ട് തയ്യാറാണ്. അതേസമയം, ഇന്ത്യയിൽ തന്നെ മത്സരങ്ങൾ നടത്തുന്നതിനെക്കുറിച്ചാണ് ബിസിസിഐ ആലോചിക്കുന്നത്. ഐപിഎൽ ഫ്രാഞ്ചൈസി ഉടമകളുമായും സ്പോൺസർമാരുമായും കൂടിയാലോചിച്ച ശേഷമേ ഈ വിഷയത്തിൽ അന്തിമ തീരുമാനമെടുക്കാൻ കഴിയൂ എന്നാണ് റിപ്പോർട്ടുകൾ. നിലവിലെ സാഹചര്യത്തിൽ ഒരാഴ്ചത്തേക്ക് മാത്രമാണ് ടൂർണമെന്റ് നിർത്തിവെച്ചിരിക്കുന്നത്. ഒരാഴ്ചയ്ക്ക് ശേഷം, സംഘർഷ സാധ്യത കുറഞ്ഞ തെക്കേ ഇന്ത്യയിലെ സ്റ്റേഡിയങ്ങളിൽ മാത്രം മത്സരങ്ങൾ നടത്തി ടൂർണമെന്റ് പൂർത്തിയാക്കുന്നതും ബിസിസിഐ പരിഗണിക്കുന്നു.

ഐപിഎൽ സെപ്റ്റംബറിലേക്ക് മാറ്റിവെച്ചാൽ വിദേശ താരങ്ങളുടെ പങ്കാളിത്തത്തിൽ പ്രശ്നമുണ്ടാകാനിടയുണ്ട്. സെപ്റ്റംബർ 2 മുതൽ 14 വരെ ഇംഗ്ലണ്ട് - ദക്ഷിണാഫ്രിക്ക ടി20 സീരീസ് നടക്കും. സെപ്റ്റംബർ 17 മുതൽ 21 വരെ അയർലണ്ടിനെതിരെയും ഇംഗ്ലണ്ടിന് ടി20 മത്സരങ്ങളുണ്ട്. ഇത്തരം ഷെഡ്യൂളുകൾ കാരണം, സെപ്റ്റംബറിൽ ഐപിഎൽ നടത്തിയാൽ ഇംഗ്ലണ്ട്, ദക്ഷിണാഫ്രിക്കൻ താരങ്ങൾക്ക് മത്സരങ്ങളിൽ പങ്കെടുക്കാൻ കഴിയുമോ എന്ന കാര്യം സംശയമാണ്. ഇക്കാരണത്താൽ, ഒരാഴ്ച വൈകിയാലും മെയ് മാസത്തിനുള്ളിൽ തന്നെ ടൂർണമെന്റ് പൂർത്തിയാക്കാനാണ് ബിസിസിഐ ഇപ്പോൾ ശ്രമിക്കുന്നത്. 

The England and Wales Cricket Board (ECB) has shown willingness to host the remaining matches of the Indian Premier League (IPL) in England. This development comes as a potential solution to accommodate the IPL's scheduling needs. ECB's infrastructure and expertise in managing high-profile cricket events make it an ideal candidate to host such a tournament ¹.