കൊളംബോ: ശ്രീലങ്കയിൽ തീർത്ഥാടകരുമായി സഞ്ചരിച്ച ബസ് മലഞ്ചെരുവിലേക്ക് ഇടിച്ചുകയറിയുണ്ടായ അപകടത്തിൽ 15 പേർക്ക് ദാരുണാന്ത്യം. 30 പേർക്ക് പരുക്ക്. ഇന്ന് പുലർച്ചെയായിരുന്നു അപകടം. അപകടത്തിൽ പെട്ടവരിലധികവും ബുദ്ധ വിശ്വാസികളാണ്, ദ്വീപിന്റെ തെക്കൻ തീരത്തെ തീർത്ഥാടന ന​ഗരമായ കതര​ഗമയിൽ നിന്ന് കുറുണെ​ഗലയിലേക്ക് പോകുകയായിരുന്നു ബസ്. സമീപകാലത്ത് രാജ്യത്ത് നടന്ന ഏറ്റവും വലിയ അപകടമാണിത്. 

ഇന്ന് പുലർച്ചെ ശ്രീലങ്കയിലെ മധ്യ മലയോര മേഖലയായ കോട്മലെയിലൂടെ സഞ്ചരിക്കുകയായിരുന്ന സർക്കാർ ബസാണ് അപകടത്തിൽ പെട്ടത്. നിയന്ത്രണം വിട്ട് റോഡിൽ നിന്ന് മാറിയ ബസ് ആദ്യം മലഞ്ചെരുവിലേക്ക് ഇടിച്ചുകയറുയും പിന്നീട് മറിയുകയുമായിരുന്നു. ലോകത്തിലെ തന്നെ ഏറ്റവും അപകടം പിടിച്ച റോഡുകളിലൊന്നായ ഇവിടെ പ്രതിവർഷം ശരാശരി 3000ൽ അധികം അപകട മരണങ്ങൾ സംഭവിക്കുന്നുണ്ടെന്നാണ് കണക്ക്. 

50 പേർക്ക് സഞ്ചരിക്കാൻ അനുവാദമുള്ള ബസിൽ 70 പേരാണ് ഉണ്ടായിരുന്നത്. ഇത്തരത്തിൽ ആളുകളെ കുത്തി നിറച്ചു കൊണ്ടു പോയതാണ് അപകടത്തിനു കാരണെമന്ന് പൊലിസ് പറഞ്ഞു. അനുവദിയുള്ളതിനേക്കാൾ 20അധിക യാത്രാക്കാരുമായായിരുന്നു ബസിന്റെ സാഹസികയാത്രയെന്നും, സംഭവത്തിൽ കൂടുതൽ അന്വേഷണം നടക്കുകയാണെന്നും പൊലിസ് കൂട്ടിച്ചേർത്തു. 

അപകടത്തിന് കാരണം മെക്കാനിക്കൽ തകരാറാണോ, ഡ്രൈവർ ഉറങ്ങിപ്പോയതാണോ എന്നെല്ലാമുള്ള കാര്യങ്ങൾ പരിശോധിച്ചു വരികയാണെന്നും പൊലിസ് പറഞ്ഞു. അതസമയം, അപകടത്തിൽ പരുക്കേറ്റ 30 പേരെ ആശുപത്രിയിലേക്ക് മാറ്റിയതായി എഎഫ്പി റിപ്പോർട്ട് ചെയ്യുന്നു.

At least 15 people were killed and 30 injured when a bus carrying pilgrims veered off a steep slope in Sri Lanka. The accident occurred early today near Kuruwita, as the bus was traveling from the sacred city of Kataragama. Most victims were Buddhist devotees, marking one of the deadliest recent accidents in the country. Authorities are investigating the cause of the tragedy.