കുവൈത്ത് സിറ്റി: കഴിഞ്ഞ ദിവസങ്ങളിൽ വിടപറഞ്ഞ സമസ്ത കേരള ജംഇയ്യത്തുല്‍ ഉലമ കേന്ദ്ര മുശാവറ അംഗവും അമിനി ദ്വീപ് ഖാളിയുമായ സയ്യിദ് ഫത്ഹുല്ല  മുത്തുക്കോയ  തങ്ങൾ,കെ ഐ സി ഹവല്ലി മേഖല പ്രസിഡണ്ട് ഇഖ്‌ബാൽ ഫൈസി എന്നിവരുടെ അനുസ്മരണവും പ്രാർത്ഥനാ സദസ്സും സംഘടിപ്പിച്ചു.

അബ്ബാസിയ കെ ഐ സി  ഓഡിറ്റോറിയത്തിൽ വെച്ച് നടന്ന അനുസ്മരണ സദസ്സിൽ കെ ഐ സി പ്രസിഡണ്ട് അബ്ദുൽ ഗഫൂർ ഫൈസി അധ്യക്ഷത വഹിച്ചു. ചെയർമാൻ ശംസുദ്ധീൻ ഫൈസി എടയാറ്റൂർ അനുസ്‌മരണ പ്രഭാഷണം നിർവഹിച്ചു.ഉസ്മാൻ ദാരിമി പ്രാർത്ഥനക്ക് നേതൃത്വം നൽകി. കേന്ദ്ര മേഖല നേതാക്കളായ ഇസ്മായിൽ ഹുദവി, അബ്ദുൽ ഹകീം മുസ്‌ലിയാർ, അബ്ദുൽ ഹമീദ് അൻവരി, അബ്ദുൽ ലത്തീഫ് എടയൂർ, സിറാജ് എരഞ്ഞിക്കൽ, ശംസുദ്ധീൻ യമാനി, മുഹമ്മദ് കെ വി, ഫൈസൽ ടി വി, സവാദ് കൊയിലാണ്ടി, അബ്ദുൽ റഹീം ഹസനി, മഹമൂദ് ഹാജി, മുഹമ്മദ് എ ജി തുടങ്ങിയവർ സംസാരിച്ചു.

കഴിഞ്ഞ ഏഴു പതിറ്റാണ്ടു കാലം ലക്ഷദ്വീപിന്റെ ആത്മീയ വഴിയിൽ നിറ സാന്നിധ്യമായിരുന്ന പണ്ഡിത ശ്രേഷ്ഠനായിരുന്നു സയ്യിദ് ഫത്ഹുല്ല തങ്ങളെന്നും സമസ്തയെ  നെഞ്ചോടു ചേർത്ത് വെച്ച നിസ്വാർത്ഥ ദീനി സേവകനായിരുന്നു  ഇക്ബാൽ ഫൈസിയെന്നും അനുസ്മരണ സംഗമത്തിൽ സംസാരിച്ചവർ പറഞ്ഞു. ജനറൽ സെക്രട്ടറി സൈനുൽ ആബിദ് ഫൈസി സ്വാഗതവും ട്രഷറർ ഇ എസ് അബ്ദുൽ റഹ്മാൻ ഹാജി നന്ദിയും പറഞ്ഞു.

Kuwait Kerala Islamic Council organizes memorial and prayer meeting