ന്യൂഡല്‍ഹി: പാകിസ്താന്‍ ഷെല്ലാക്രമണത്തില്‍ പരുക്കേറ്റ് ചികിത്സയിലായിരുന്ന ഒരു ബി.എസ്. എഫ് ജവാന് കൂടി വീരമൃത്യു. ഒപറേഷന്‍ സിന്ദൂറിന്റെ ഭാഗമായിരുന്ന കോണ്‍സ്റ്റബിള്‍ ദീപക് ചിംഗാംമാണ് (25) മരിച്ചത്. മെയ് ഒമ്പ്ത പത്ത് ദിവസങ്ങളില്‍ ആര്‍എസ് പുരയില്‍ നടത്തിയ ഷെല്ലാക്രമണത്തിലാണ് മണിപ്പൂര്‍ സ്വദേശിയായ ദീപക് ചിംഗാംമിന് പരിക്കേറ്റത്. മെയ് 10 ന് പുലര്‍ച്ചെ നടന്ന ഷെല്ലാക്രമണത്തില്‍ ദീപക് ഉള്‍പ്പടെ എട്ട് ബിഎസ്എഫ് ജവാന്മാര്‍ക്ക് പരുക്കേറ്റിരുന്നു. ഇതേ ഷെല്ലാക്രമണത്തില്‍ പരിക്കേറ്റ ബി.എസ്.എഫ് സബ് ഇന്‍സ്‌പെക്ടര്‍ എം.ഡി. ഇംതിയാസും വീരമൃത്യുവരിച്ചിരുന്നു.

ദീപകിന്റെ മരണത്തില്‍ ബി.എസ്.എഫ് ജമ്മു അനുശോചനം അറിയിച്ചു. 

'ഡ്യൂട്ടിക്കിടെ കോണ്‍സ്റ്റബിള്‍ ദീപക് ചിങ്ങഖാം നടത്തിയ പരമമായ ത്യാഗത്തിന് ബി.എസ്.എഫ് ഡി.ജിയും എല്ലാ റാങ്കുകളും അഭിവാദ്യം ചെയ്യുന്നു.
മെയ് 10 ന് ജമ്മു ജില്ലയിലെ ആര്‍.എസ്. പുര പ്രദേശത്ത് അന്താരാഷ്ട്ര അതിര്‍ത്തിയില്‍ നടന്ന ഷെല്ലാക്രമണത്തില്‍ ദീപകിന് മാരകമായ പരിക്കുകള്‍ ഏല്‍ക്കുകയും മെയ് 11 ന് രക്തസാക്ഷിത്വം വരിക്കുകയും ചെയ്തു. അദ്ദേഹത്തിന്റെ കുടുംബത്തിന് അഗാധമായ അനുശോചനം രേഖപ്പെടുത്തുന്നു'.. ബി.എസ്.എഫ് ജമ്മു എക്‌സില്‍ പങ്കുവെച്ച പോസ്റ്റില്‍ പറയുന്നു.

DG BSF and All Ranks salute the supreme sacrifice made by Constable Deepak Chingakham in the line of duty.

He was injured in cross border fire by Pakistan on 10th May 2025 along the International Boundary in R S Pura area, Jammu. He succumbed to his injuries today on 11th May… pic.twitter.com/W7NLLzBek1

— BSF (@BSF_India) May 11, 2025