ആര്‍ക്കായാലും നെഞ്ചെരിച്ചിലോ നെഞ്ചുവേദനയോ രാത്രിയില്‍ വന്നാല്‍ ഭയം തോന്നും. നന്നായി ഉറങ്ങാനും പറ്റില്ല, ആകെ അസ്വസ്ഥമായിരിക്കും. തൊണ്ടയിലും നെഞ്ചിലും എന്തോ ഇരിക്കുന്ന പോലൊരു തോന്നലും പുളിച്ചു തികട്ടലും ഒക്കെയായി വല്ലാത്തൊരു ഫീല്‍ ആവും. ഹൃദയാഘാതമാണോ എന്നും സംശയിക്കും. 

എന്താണ് ഇതിനു പരിഹാരം

നെഞ്ചെരിച്ചില്‍ തോന്നുന്ന സമയത്ത് തല ഉയര്‍ത്തി വച്ചുവേണം കിടക്കാന്‍. ഇത് ആസിഡ് അന്നനാളത്തിലേക്ക് തിരിച്ച് ഒഴുകുന്നത് തടയാന്‍ പറ്റും. രാത്രിയില്‍ ഇറുകിയ വസ്ത്രങ്ങള്‍ മാറ്റി അയഞ്ഞവയും ധരിക്കുക. ആമാശയത്തിനുചുറ്റും വസ്ത്രങ്ങളൊന്നും മുറുകിയിരിക്കാന്‍ പാടുള്ളതല്ല. 

കുറച്ചു വെള്ളം ഉറങ്ങുന്നതിനു മുമ്പ് കുടിച്ചാല്‍ ആമാശയത്തിലെ ആസിഡ് കുറയ്ക്കാന്‍ കഴിയും. ആസിഡ് റിഫഌക്‌സ് ലക്ഷണങ്ങളെ ലഘൂകരിക്കാനും നെഞ്ചെരിച്ചില്‍ കുറയ്ക്കാനും ഹെര്‍ബല്‍ ടീ കുടിക്കുന്നതും നല്ലതാണ്. ഉറങ്ങാന്‍ പോകുന്നതിനു മുമ്പ് സ്ട്രസ് കുറയ്ക്കാന്‍ സഹായിക്കുന്ന പാനീയങ്ങള്‍ കുടിക്കുന്നതും നല്ലതാണ്.