മുംബൈ: ഇംഗ്ലണ്ട് ലയൺസിനെതിരെയുള്ള അനൗദ്യോഗിക ടെസ്റ്റ് പരമ്പരക്കുള്ള തയ്യാറെടുപ്പിലാണ് ഇന്ത്യൻ എ ടീം. ഇപ്പോൾ ടീമിന്റെ പുതിയ പരിശീലകനായി ഹൃഷികേശ് കനിത്കറിനെ നിയമിച്ചിരിക്കുകയാണ് ബിസിസിഐ. ബിസിസിഐയുടെ സെന്റർ ഓഫ് എക്സലൻസിന്റെ ഇപ്പോഴത്തെ ഹെഡ് ആയിട്ടുള്ള മുൻ ഇന്ത്യൻ താരം വിവിഎസ് ലക്ഷ്മൺ ടീമിനൊപ്പം ഇംഗ്ലണ്ടിലേക്ക് പോവുകയില്ല. 

മുൻ ഇന്ത്യൻ താരമായ ഹൃഷികേശ് കുറച്ചു കാലങ്ങളായി ബിസിസിഐയുടെ ഭാഗമാണ്. താരം ഇന്ത്യക്കായി 34 ഏകദിനത്തിലും രണ്ട് ടെസ്റ്റ് മത്സരങ്ങളിലും കളിച്ചിട്ടുണ്ട്. 146 ഫസ്റ്റ് ക്ലാസ് മത്സരങ്ങളിൽ നിന്നും 10400 റൺസും ഹൃഷികേശ് സ്വന്തമാക്കിയിട്ടുണ്ട്. 

ഇംഗ്ലണ്ട് ലയണ്‍സിനെതിരേ നടക്കുന്ന ഫസ്റ്റ് ക്ലാസ് ടെസ്റ്റ് മത്സരങ്ങള്‍ക്കുള്ള ഇന്ത്യ എ ടീമിനെ നയിക്കുന്നത് ബംഗാള്‍ താരം അഭിമന്യൂ ഈശ്വരന്‍ ആണ്. വിക്കറ്റ് കീപ്പര്‍ ധ്രുവ് ജുറലാണ് ടീമിന്റെ വൈസ് ക്യാപ്റ്റന്‍.

മലയാളി താരം കരുണ്‍ നായര്‍, യശസ്വി ജയ്‌സ്വാള്‍, ഇഷാന്‍ കിഷന്‍ തുടങ്ങിയവരും ടീമിലുണ്ട്. രണ്ട് മത്സരങ്ങളടങ്ങുന്ന പരമ്പരയാണ് ടീം കളിക്കുന്നത്. ആദ്യ മത്സരം ഈ മാസം 30നും രണ്ടാം മത്സരം  ജൂണ്‍ ആറിനുമാണ് ആരംഭിക്കുന്നത്. ശുഭ്മാന്‍ ഗില്‍, സായ് സുദര്‍ശന്‍ തുടങ്ങിയ പ്രമുഖ താരങ്ങള്‍ രണ്ടാം മത്സരത്തിന് മുമ്പായി ടീമിനൊപ്പം ചേരും. 

ഇന്ത്യ എ ടീം 

അഭിമന്യു ഈശ്വരന്‍, യശസ്വി ജയ്‌സ്വാള്‍, കരുണ്‍ നായര്‍, ധ്രുവ് ജുറല്‍, നിതീഷ് കുമാര്‍ റെഡ്ഡി, ശര്‍ദുല്‍ താക്കൂര്‍, ഇഷാന്‍ കിഷന്‍, മാനവ് സുതര്‍, തനുഷ് കോട്ടിയാന്‍, മുകേഷ് കുമാര്‍, ആകാശ് ദീപ്, ഹര്‍ഷിത് റാണ, അന്‍ഷുല്‍ കംബോജ്, ഖലീല്‍ അഹ്മദ്, റുതുരാജ് ഗെയ്ക്വാദ്, സര്‍ഫറാസ് ഖാന്‍, തുഷാര്‍ ദേശ്പാണ്ഡെ, ഹര്‍ഷ് ദുബെ.

The India A team is preparing for the unofficial Test series against the England Lions Now the BCCI has appointed Hrishikesh Kanitkar as the teams new coach