തിരുവനന്തപുരം: കേരളത്തിൽ അടുത്ത മൂന്ന് ദിവസത്തേക്ക് അതിശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നൽകി. അറബിക്കടലിൽ ന്യൂനമർദ്ദം രൂപപ്പെടാൻ സാധ്യതയുള്ളതോടെയാണ് മഴ ശക്തമാകുകയെന്ന് റിപ്പോർട്ട്. മധ്യ പടിഞ്ഞാറൻ ബംഗാൾ ഉൾക്കടലിന്റെയും തെക്കുപടിഞ്ഞാറൻ ബംഗാൾ ഉൾക്കടലിന്റെയും മുകളിലായി ചക്രവാതച്ചുഴി രൂപപ്പെട്ടിട്ടുണ്ട്.

ഈ സാഹചര്യത്തിൽ മഴയുടെ ശക്തി വർധിക്കാനാണ് സാധ്യത. വിവിധ ജില്ലകളിൽ കേന്ദ്ര കാലാവസ്ഥാ വകുപ്പ് ഓറഞ്ച് അലർട്ടും യെല്ലോ അലർട്ടും പ്രഖ്യാപിച്ചിട്ടുണ്ട്.

ഓറഞ്ച് അലർട്ട്:

ഇന്ന് (മെയ് 19): മലപ്പുറം, കോഴിക്കോട്, വയനാട്, കണ്ണൂർ, കാസർകോട്

നാളെ (മെയ് 20): കോഴിക്കോട്, വയനാട്, കണ്ണൂർ, കാസർകോട്

യെല്ലോ അലർട്ട്:

ഇന്ന് (മെയ് 19): പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂർ, പാലക്കാട്

നാളെ (മെയ് 20): മലപ്പുറം ഉൾപ്പെടെ മേൽപ്പറഞ്ഞ ജില്ലകളെല്ലാം

കേരള തീരപ്രദേശങ്ങളിലും മലപ്രദേശങ്ങളിലുമായി ശക്തമായ കാറ്റിനും ഇടിയോടെയുള്ള മഴയ്ക്കും സാധ്യതയുള്ളതിനാൽ പരമാവധി ജാഗ്രത പാലിക്കണമെന്ന് അധികൃതർ മുന്നറിയിപ്പ് നൽകി. 

A cyclonic circulation has formed over the Bay of Bengal, with a low-pressure system likely to develop over the Arabian Sea, prompting the India Meteorological Department (IMD) to issue an orange alert in several districts of Kerala. Heavy to very heavy rainfall is expected over the next three days. Orange alerts are in place for Malappuram, Kozhikode, Wayanad, Kannur, and Kasaragod. Yellow alerts are issued for other central and southern districts, urging residents to remain cautious.