ന്യൂഡൽഹി: പാകിസ്ഥാനുവേണ്ടി ചാരപ്രവർത്തനം നടത്തിയതിന് ഹരിയാനയിലെ നൂഹ് സ്വദേശിയായ മുഹമ്മദ് താരിഫ് എന്നയാളെ പൊലീസ് അറസ്റ്റ് ചെയ്തു. സൈനിക പ്രവർത്തനങ്ങളുമായി ബന്ധപ്പെട്ട രഹസ്യ വിവരങ്ങൾ പാകിസ്ഥാനിലേക്ക് ചോർത്തിയതാണ് ഇയാൾ കുറ്റമെന്ന് അന്വേഷണ സംഘം വ്യക്തമാക്കി.

പാക് ഹൈക്കമ്മീഷനിലെ ഉദ്യോഗസ്ഥന് സിം കാർഡ് കൈമാറിയതായും, താരിഫ് നേരത്തെ പാകിസ്ഥാൻ സന്ദർശിച്ചിട്ടുണ്ടെന്നുമാണ് പൊലീസ് കണ്ടെത്തിയത്. ഇതിന്റെ അടിസ്ഥാനത്തിൽ ഇയാളുടെ പ്രവർത്തനങ്ങളിൽ കൂടുതൽ ദുരൂഹതയുണ്ടെന്ന് പൊലീസിന്റെ പ്രാഥമിക നിഗമനം.

ഇയാൾക്കെതിരെയും ഡൽഹിയിലെ പാകിസ്ഥാൻ ഹൈക്കമ്മീഷനിൽ പ്രവർത്തിച്ചിരുന്ന രണ്ട് പാകിസ്ഥാനികൾക്കെതിരെയും ഔദ്യോഗിക രഹസ്യ നിയമപ്രകാരം കേസുകൾ രജിസ്റ്റർ ചെയ്തിട്ടുണ്ട്.

ഈ അറസ്റ്റോടെ പാകിസ്ഥാനുവേണ്ടി ചാരപ്രവർത്തനം നടത്തിയ കേസിൽ പിടിയിലായവരുടെ എണ്ണം 10 ആയി. സുരക്ഷാ ഏജൻസികൾ രാജ്യത്ത് ചാരവൃത്തി സംബന്ധിച്ച പരിശോധനയും നടപടികളും ശക്തമാക്കിയിട്ടുണ്ട്.

One more person has been arrested from Haryana for allegedly spying for Pakistan, bringing the total number of arrests in the case to 10. The accused, Mohammad Tarif from Nuh, is alleged to have leaked sensitive military information and provided a SIM card to an official at the Pakistan High Commission. He had also reportedly visited Pakistan. A case has been filed under the Official Secrets Act against him and two Pakistani officials.