ഡ്രോൺ ടെക്‌നോളജിയിൽ സർട്ടിഫിക്കറ്റ് കോഴ്‌സുകൾ

മഹാത്മാ ഗാന്ധി സർവകലാശാലയിൽ ഡ്രോൺ ടെക്‌നോളജി ശാസ്ത്രീയമായി പരിശീലിപ്പിച്ച് ലൈസൻസ് നൽകുന്ന കോഴ്‌സുകളുടെ പുതിയ ബാച്ചുകളിലേക്ക് ഇപ്പോൾ അപേക്ഷിക്കാം.

ഡോ. ആർ. സതീഷ് സെന്റർ ഫോർ റിമോട്ട് സെൻസിങ് ആൻഡ് ജി.ഐ.ഐസ് ആണ്  റിമോട്ട്‌ലി പൈലറ്റഡ് എയർക്രാഫ്റ്റ് സിസ്റ്റത്തിൽ(ആർ.പി.എ.എസ്) മൂന്നു മാസവും ഒരു മാസവും ദൈർഘ്യമുള്ള സർട്ടിഫിക്കറ്റ് കോഴ്‌സുകൾ നടത്തുന്നത്. എസ്.ജി ഗ്രൂപ്പിന്റെ  ഉപസ്ഥാപനമായ ഏഷ്യ സോഫ്റ്റ് ലാബ് പ്രൈവറ്റ് ലിമിറ്റഡിന്റെ സാങ്കേതിക സഹായത്തോടെ നടത്തുന്ന കോഴ്‌സിൽ ബിരുദമോ, ബിരുദാനന്തര ബിരുദമോ ഉള്ളവർക്കാണ് അവസരം. പ്രായം 18നും 60നും മധ്യേ. കൃഷി, ഡേറ്റ പ്രോസസിങ്, ത്രീഡി ഇമേജിങ്, മൈനിങ്, പരിസ്ഥിതി സംരക്ഷണം, ദുരന്തനിവാരണം, സിനിമ തുടങ്ങിയ മേഖലകളിൽ ഡ്രോണിന്റെ ഉപയോഗം, ഡ്രോൺ റേസിങ്, ഡ്രോൺ ഫ്‌ളൈറ്റ് പ്ലാനിങ് ആൻഡ് ഓപറേഷൻസ്, ഡ്രോൺ നിർമാണം തുടങ്ങിയവ ഉൾപ്പെടുന്നതാണ് സിലബസ്. പരിശീലനം വിജയകരമായി പൂർത്തിയാക്കുന്നവർക്ക് ഡയറക്ടറേറ്റ് ജനറൽ ഓഫ് സിവിൽ എവിയേഷൻ അംഗീകൃത ഡ്രോൺ പൈലറ്റ് ലൈസൻസ് ലഭിക്കും. വിശദവിവരങ്ങൾക്ക് ses.mgu.ac.in, https://asiasoftlab.in  ഫോൺ 7012147575.

കാലിക്കറ്റിൽ ബി.ടെക് എൻ.ആർ.ഐ സീറ്റ് പ്രവേശനം കീം എഴുതാത്തവർക്കും അവസരം

കാലിക്കറ്റ് സർവകലാശാലാ എൻജിനീയറിങ് കോളജിൽ ( ഐ.ഇ.ടി. ) വിവിധ ബി.ടെക്. ബ്രാഞ്ചുകളിലെ എൻ.ആർ.ഐ. സീറ്റുകളിലേക്കുള്ള പ്രവേശനത്തിന് അപേക്ഷ ക്ഷണിച്ചു. 21 മുതൽ 26 വരെ  www.cuiet.info എന്ന വെബ്‌സൈറ്റ് വഴി ഓൺലൈനായി അപേക്ഷിക്കാം. കീം പ്രവേശന പരീക്ഷ എഴുതാത്തവർക്കും അവസരമുണ്ട്. അപേക്ഷയുടെ പ്രിന്റ് ഔട്ടും ഫീസടച്ച് രസീതും അനുബന്ധ രേഖകളും സഹിതം മെയ് 31നകം കോളജിൽ ലഭ്യമാക്കണം. കൂടുതൽ വിവരങ്ങൾ കോളജ് വെബ്‌സൈറ്റിൽ. ഫോൺ : 9188400223, 9567172591.

ഐ.ടി.എസ്.ആറിൽ അസിസ്റ്റന്റ് പ്രൊഫസർ 

വയനാട് ചെതലയത്തുള്ള കാലിക്കറ്റ് സർവകലാശാലാ ഇൻസ്റ്റിറ്റ്യൂട്ട് ഓഫ് ട്രൈബൽ സ്റ്റഡീസ് ആൻഡ് റിസർച്ചിൽ കരാറടിസ്ഥാനത്തിൽ സോഷ്യോളജി, കൊമേഴ്‌സ്, ഇംഗ്ലിഷ് എന്നീ വിഭാഗങ്ങളിൽ അസിസ്റ്റന്റ് പ്രൊഫസർ നിയമനത്തിനുള്ള പാനൽ തയാറാക്കുന്നതിന് അപേക്ഷ ക്ഷണിച്ചു. ഓൺലൈനായി അപേക്ഷ സമർപ്പിക്കേണ്ട അവസാന തീയതി 31. അപേക്ഷയുടെ പകർപ്പ് ജൂൺ അഞ്ചിന് വൈകീട്ട് അഞ്ചു മണിക്ക് മുൻപായി സർവകലാശാലയിൽ ലഭ്യമാക്കേണ്ടതാണ്. കൂടുതൽ വിവരങ്ങൾ വെബ്‌സൈറ്റിൽ.