അബൂദബി: നഗരത്തിലെ ഒരു എക്‌സ്‌ചേഞ്ച് ഹൗസിന് 200 മില്യണ്‍ ദിര്‍ഹത്തിന്റെ സാമ്പത്തിക ഉപരോധം ഏര്‍പ്പെടുത്തി യുഎഇ സെന്‍ട്രല്‍ ബാങ്ക് (സിബിയുഎഇ).

സെന്‍ട്രല്‍ ബാങ്കിന്റെയും ധനകാര്യ സ്ഥാപനങ്ങളുടെയും പ്രവര്‍ത്തനങ്ങള്‍ സംബന്ധിച്ച 2018 ലെ ഫെഡറല്‍ ഡിക്രീ നിയമം നമ്പര്‍ 14 ലെ ആര്‍ട്ടിക്കിള്‍ 137 പ്രകാരമുള്ള വ്യവസ്ഥകളും ഭേദഗതികളും പാലിക്കാത്തതിനാണ് എക്‌സ്‌ചേഞ്ച് ഹൗസിന് പിഴ ചുമത്തിയത്.

സിബിയുഎഇ നടത്തിയ പരിശോധനാ ഫലങ്ങളുടെ അടിസ്ഥാനത്തിലാണ് സാമ്പത്തിക ഉപരോധം ഏര്‍പ്പെടുത്തിയിരിക്കുന്നത്. എക്‌സ്‌ചേഞ്ച് ഹൗസിന്റെ കള്ളപ്പണം വെളുപ്പിക്കല്‍ വിരുദ്ധ പ്രവര്‍ത്തനങ്ങളിലും ഭീകരതയ്ക്കും നിയമവിരുദ്ധ സംഘടനകള്‍ക്കും ധനസഹായം നല്‍കുന്നതിനെതിരെയുള്ള നിയമങ്ങളിലും അപാകതകള്‍ കണ്ടെത്തിയതിനെ തുടര്‍ന്നാണ് ഉപരോധം.

കൂടാതെ, ബ്രാഞ്ച് മാനേജര്‍ക്ക് 500,000 ദിര്‍ഹം പിഴ ചുമത്തുകയും ചെയ്തിട്ടുണ്ട്. മാത്രമല്ല യുഎഇയിലെ ഏതെങ്കിലും ലൈസന്‍സുള്ള ധനകാര്യ സ്ഥാപനങ്ങളില്‍ ഏതെങ്കിലും സ്ഥാനങ്ങള്‍ വഹിക്കുന്നതില്‍ നിന്ന് അദ്ദേഹത്തെ വിലക്കുകയും ചെയ്തു.

സാമ്പത്തിക ഇടപാടുകളുടെ സുതാര്യതയും സമഗ്രതയും നിലനിര്‍ത്തുന്നതിനും യുഎഇ സാമ്പത്തിക വ്യവസ്ഥയെ സംരക്ഷിക്കുന്നതിനുമായി എല്ലാ എക്‌സ്‌ചേഞ്ച് ഹൗസുകളും അവയുടെ ഉടമകളും ജീവനക്കാരും സെന്‍ട്രല്‍ ബാങ്ക് സ്ഥാപിച്ച നിയമങ്ങള്‍, ചട്ടങ്ങള്‍, മാനദണ്ഡങ്ങള്‍ എന്നിവ പാലിക്കുന്നുണ്ടെന്ന് ഉറപ്പാക്കാന്‍ സിബിയുഎഇ ശ്രമിക്കുന്നു.

The UAE Central Bank has imposed a fine of AED 200 million on an exchange house for non-compliance with regulatory requirements. This action underscores the Central Bank's commitment to enforcing strict financial regulations and maintaining the integrity of the UAE's financial system.