ന്യൂഡെൽഹി: പഹൽഗാം ഭീകരാക്രമണത്തിനുശേഷം ഇന്ത്യ ശക്തമായ നിലപാട് സ്വീകരിച്ച ഓപ്പറേഷൻ സിന്ദൂരിന്റെ പ്രത്യാഘാതം അന്താരാഷ്ട്രതലത്തിലേക്ക് വ്യാപിച്ചു. ആക്രമണത്തിൽ പാകിസ്ഥാനെ പരസ്യമായി പിന്തുണച്ചതോടൊപ്പം ഇന്ത്യ വിരുദ്ധ നിലപാട് സ്വീകരിച്ച തുർക്കിയും അസർബൈജാനും ഇന്ത്യൻ തിരിച്ചടിയുടെ ചൂടറിഞ്ഞിരിക്കുികയാണ്.

സൈനികതലത്തോടൊപ്പം തന്നെ നയതന്ത്രമേഖലയും വ്യാപാര-വിദ്യാഭ്യാസ മേഖലയിലുമുള്ള ബന്ധങ്ങളിൽ ഇന്ത്യ വലിയ മാറ്റങ്ങൾ കൊണ്ടുവന്നു. തുർക്കിയിലെയും അസർബൈജാനിലെയും സര്‍വകലാശാലകളുമായുള്ള ഇന്ത്യയിലെ സ്ഥാപനങ്ങളുടെ സഹകരണം, വിവിധ തുർക്കിഷ് കമ്പനികളുമായുള്ള കരാറുകൾ തുടങ്ങിയവ റദ്ദാക്കിയിരുന്നു.

ഇത് കൂടാതെ ഈ വിക്ഷയം ഇപ്പോൾ ഇന്ത്യക്കാരുടെ യാത്രയിലും വലിയ സ്വാധീനം ചെലുത്തിയിരിക്കുകയാണ്. തുർക്കിയിലേക്കും അസർബൈജാനിലേക്കുമുള്ള വിസ അപേക്ഷകളിൽ 42 ശതമാനം കുറവ് വന്നതായി ഏറ്റവും പുതിയ റിപ്പോർട്ടുകൾ പറയുന്നു. ആറ്റ്‌ലിസ് (Atlys) എന്ന വിസ പ്രോസസ്സിംഗ് പ്ലാറ്റ്‌ഫോം നൽകിയ വിവരമനുസരിച്ച്, വെറും 36 മണിക്കൂറിനുള്ളിൽ വിസ അപേക്ഷാ പ്രക്രിയ പാതിവഴിയിൽ ഉപേക്ഷിച്ച ഇന്ത്യൻ ഉപയോക്താക്കളുടെ എണ്ണം 60 ശതമാനം വർദ്ധിച്ചുവെന്നും പറയുന്നു.

ഇന്ത്യൻ ജനതയുടെ പ്രതികരണം വളരെ വ്യക്തമായിരുന്നു, പലരും സ്വന്തം നിലയിൽ ഈ രാജ്യങ്ങളിലേക്കുള്ള യാത്ര ഒഴിവാക്കിയിരിക്കുകയാണ്. സമൂഹമാധ്യമങ്ങളിലൂടെയും സഞ്ചാര കൂട്ടായ്മകളിലൂടെയും തുർക്കിയിലേക്കും അസർബൈജാനിലേക്കും ഇനി യാത്ര വേണ്ടെന്ന കാഴ്ചപ്പാട് വ്യാപകമായി മുഴങ്ങുകയാണ്.

ഇതുവഴി, ഇന്ത്യയുടെ ശക്തമായ നിലപാട് ലോക രാജ്യങ്ങൾക്കിടയിൽ അതിന്റെ പ്രഭാവം ചെലുത്തുന്നുവെന്നും,ഇന്ത്യൻ  ജനതയുടെ അഭിപ്രായം ഇന്ന് തക്കതായ പ്രത്യാഘാതങ്ങൾ സൃഷ്ടിക്കുന്നതായും വിദഗ്ധർ വിലയിരുത്തുന്നു.

India faces another diplomatic and tourism setback as interest among Indian travelers in Turkey and Azerbaijan drops sharply Following Indias strong response to the Pahalgam attack and growing tensions with pro-Pakistan nations visa applications to Turkey and Azerbaijan have fallen by 42 according to recent data Visa process cancellations within 36 hours have also surged by 60 reflecting a strong public backlashIndia suffers another setback in Turkey and Azerbaijan Report says 42 percent of Indian passengers have given up