കണ്ണൂര്‍: കണ്ണൂര്‍ പയ്യാവൂര്‍ കാഞ്ഞിരക്കൊല്ലിയില്‍ ബൈക്കിലെത്തിയ അജ്ഞാതസംഘം യുവാവിനെ വീട്ടില്‍ക്കയറി വെട്ടിക്കൊന്നു.  കാഞ്ഞിരക്കൊല്ലി മഠത്തേടത്ത് വീട്ടില്‍ നിധീഷ്(31) ആണ് മരിച്ചത്. ഭാര്യക്കും വെട്ടേറ്റു. ഭാര്യ ശ്രുതി (28) ഗുരുതരാവസ്ഥയില്‍ തുടരുകയാണ്.

 ചൊവ്വാഴ്ച ഉച്ചക്ക് 12.45 നാണ് സംഭവം. ബൈക്കിലെത്തിയ രണ്ടുപേരാണ് വെട്ടിയത്. ജോലി സ്ഥലത്തെ തര്‍ക്കമാണ് അക്രമത്തിലേക്ക് നയിച്ചതെന്നാണ് വിവരം. നിധീഷിന്റെ ശരീരമാസകലം വെട്ടേറ്റിരുന്നു. പയ്യാവൂര്‍ പൊലിസ് സ്ഥലത്തെത്തി. അക്രമികളെ കണ്ടെത്താനായി സി.സി.ടി.വി ദൃശ്യങ്ങളുള്‍പെടെ പൊലിസ് പരിശോധിക്കുകയാണ്.