ദുബൈ: സർക്കാർ മേഖലയിലെ സാമ്പത്തികമോ ഭരണപരമോ ആയ കുറ്റകൃത്യങ്ങൾ റിപ്പോർട്ട് ചെയ്യുന്ന ജീവനക്കാരെ സംരക്ഷിക്കുന്നതിനായി പുതിയ നടപടി പ്രഖ്യാപിച്ച് ദുബൈ.

പൊതു ഭരണത്തിൽ കൂടുതൽ സുതാര്യതയും ഉത്തരവാദിത്തവും ഉറപ്പാക്കുന്നതിനായി ദുബൈ ഭരണാധികാരിയുടെ ഒന്നാം ഡെപ്യൂട്ടിയും യുഎഇ ഉപപ്രധാനമന്ത്രിയും ധനമന്ത്രിയുമായ ഷെയ്ഖ് മക്തൂം ബിൻ മുഹമ്മദ് ബിൻ റാഷിദ് അൽ മക്തൂമാണ് ഈ പുതിയ നിർദ്ദേശം പുറപ്പെടുവിച്ചത്.

ദുബൈ ഫിനാൻഷ്യൽ ഓഡിറ്റ് അതോറിറ്റിയുടെ കീഴിലുള്ള സ്ഥാപനങ്ങളിൽ പ്രവർത്തിക്കുന്ന ജീവനക്കാർക്ക് ഈ നിർദ്ദേശം ബാധകമാണ്. ധനപരമോ ഭരണപരമോ ആയ ക്രമക്കേടുകളെക്കുറിച്ച് വിവരം വെളിപ്പെടുത്തുന്നവരോ, അല്ലെങ്കിൽ അന്വേഷണങ്ങളിൽ സഹായിക്കുന്നവരോ ഏതെങ്കിലും തരത്തിലുള്ള പ്രതികാര നടപടികളിൽ നിന്നോ സമ്മർദ്ദങ്ങളിൽ നിന്നോ സംരക്ഷിക്കപ്പെടുമെന്ന് ഈ നിയമം ഉറപ്പാക്കുന്നു.

പുതിയ നിർദേശം സംരക്ഷണം അഭ്യർത്ഥിക്കുന്നതിനുള്ള വ്യക്തമായ നടപടിക്രമങ്ങൾ വിവരിക്കുകയും, ആർക്കെല്ലാം ഇതിന് അർഹതയുണ്ടെന്ന്  നിർവചിക്കുകയും ചെയ്യുന്നു. കൂടാതെ, സമർപ്പിച്ച എല്ലാ റിപ്പോർട്ടുകളുടെയും കർശനമായ രഹസ്യസ്വഭാവവും ഉറപ്പാക്കുന്നു. ഈ കേസുകൾ കൈകാര്യം ചെയ്യുന്ന അന്വേഷകരുടെ യോഗ്യതയ്ക്കുള്ള മാനദണ്ഡങ്ങളും ഇത് നിശ്ചയിക്കുന്നു. ഈ നിർദ്ദേശം ഉടനടി പ്രാബല്യത്തിൽ വരുകയും ഔദ്യോഗിക ഗസറ്റിൽ പ്രസിദ്ധീകരിക്കുകയും ചെയ്യും.

Dubai has announced a new protective measure for government employees who report financial or administrative misconduct. The policy, issued by Sheikh Maktoum bin Mohammed Al Maktoum, safeguards whistleblowers in entities under Dubai's Financial Audit Authority from retaliation. The directive establishes clear reporting procedures, ensures confidentiality, and sets investigator qualification standards, reinforcing Dubai's commitment to transparency and accountability in public administration.