ഇടുക്കി: കട്ടപ്പന പുളിയന്‍മല റോഡിലെ അമ്പാടി ഹോട്ടലില്‍ ഭക്ഷണം കഴിക്കാനെത്തിയവരും ഹോട്ടല്‍ ജീവനക്കാരും തമ്മിലുണ്ടായ തര്‍ക്കം കൂട്ടത്തല്ലില്‍ കലാശിച്ച് എട്ട് പേര്‍ക്ക് പരുക്ക്. വണ്ടിപ്പെരിയാര്‍ മ്ലാമല സ്വദേശികളായ ഒരു കൂട്ടര്‍ ഹോട്ടലിനടുത്തുള്ള തുണിക്കടയില്‍ നിന്ന് വിവാഹ വസ്ത്രം വാങ്ങിയശേഷം ഭക്ഷണം കഴിക്കാനായി ഹോട്ടലില്‍ എത്തുകയായിരുന്നു.

തുടര്‍ന്ന്, ഭക്ഷണം കഴിക്കുന്നതിനിടെ രണ്ടാം തവണ കറി ആവശ്യപ്പെട്ടപ്പോള്‍ ഹോട്ടല്‍ സ്റ്റാഫ് അപമര്യാദയായി പെരുമാറിയതാണ് സംഭവം വഷളാക്കിയതെന്ന് പൊലിസ് പറയുന്നു. ഇതേ തുടര്‍ന്നുണ്ടായ വാക്കുതര്‍ക്കം കൂട്ടത്തല്ലിലേക്ക് വളരുകയും, ജഗ് ഉപയോഗിച്ചുള്ള ആക്രമണത്തില്‍ രണ്ട് പേര്‍ക്ക് പരുക്കേല്‍ക്കുകയും ചെയ്തു. 

സംഭവത്തില്‍ ഹോട്ടല്‍ ജീവനക്കാരായ നാല് പേരും ഭക്ഷണം കഴിക്കാനെത്തിയവരും പരുക്കേറ്റ് ആശുപത്രിയില്‍ ചികിത്സ തേടി. ആശുപത്രിയില്‍ എത്തിയ ശേഷവും ഇരു കൂട്ടര്‍ക്കിടയില്‍ തര്‍ക്കം തുടര്‍ന്നതായാണ് റിപ്പോര്‍ട്ട്്. തുടര്‍ന്ന്, കട്ടപ്പന പൊലിസ് സ്ഥലത്തെത്തിയാണ് സാഹചര്യം നിയന്ത്രണ വിധേയമാക്കിയത്.

A request for second helpings of curry turned violent at a Kattappana hotel when staff allegedly responded rudely, triggering a massive brawl that left four customers and four employees injured. The incident, involving wedding shoppers from Vandiperiyar, saw physical altercations with stones used as weapons, continuing even at the hospital.