ദുബൈ: ഖോർ ഫക്കാനിലെ അൽ സുബാറ ബീച്ചിൽ എണ്ണ ചോർച്ചയെ തുടർന്ന് നീന്തൽ താൽക്കാലികമായി നിരോധിച്ചിട്ട് ഇന്ന് (തിങ്കളാഴ്ച) തുടർച്ചയായി രണ്ടാം ദിവസം. അതേസമയം, ബീച്ച് എപ്പോൾ വീണ്ടും തുറക്കും എന്നതിനെക്കുറിച്ച് ഇതുവരെ വ്യക്തമല്ല.

ബീച്ച് സന്ദർശകരുടെ സുരക്ഷ ഉറപ്പാക്കാൻ എടുത്ത ഒരു മുൻകരുതൽ നടപടിയാണ് ഈ അടച്ചിടൽ എന്നാണ് ഖോർ ഫക്കാൻ മുനിസിപ്പാലിറ്റി ഇന്നലെ പ്രഖ്യാപിച്ചത്. സമുദ്രജലത്തിൽ എണ്ണയുടെ അവശിഷ്ടങ്ങൾ കണ്ടെത്തിയതിനെ തുടർന്നാണ് ഈ നടപടിയെന്നും, പൊതുജനങ്ങൾക്കായി ബീച്ച് വൃത്തിയും സുരക്ഷിതവുമായി സൂക്ഷിക്കുക എന്നതാണ് മുനിസിപ്പാലിറ്റിയുടെ ലക്ഷ്യമെന്നും അധികൃതർ വ്യക്തമാക്കി. 

ഇതൊരു താൽക്കാലിക നടപടിയാണ്, സാഹചര്യം നിരീക്ഷിക്കാനും കാര്യങ്ങൾ വേഗത്തിൽ പരിഹരിക്കാനും രാവും പകലും പ്രവർത്തിക്കുന്നുണ്ട്. "നിങ്ങളുടെ സുരക്ഷക്കാണ് ഞങ്ങൾ പ്രാഥമിക പരി​ഗണന നൽകുന്നത്." ഉദ്യോ​ഗസ്ഥർ വ്യക്തമാക്കി. സന്ദർശകർക്ക് ഉണ്ടായ അസൗകര്യത്തിന് മുനിസിപ്പാലിറ്റി ക്ഷമാപണം നടത്തുകയും സമൂഹത്തിന്റെ ക്ഷമയ്ക്കും സഹകരണത്തിനും നന്ദി പറയുകയും ചെയ്തു.

കടലിൽ ചെറിയ അളവിൽ എണ്ണയുടെ സാന്നിധ്യം ഉള്ളതിനാൽ മുൻകരുതൽ എന്ന നിലയിൽ നീന്തൽ താൽക്കാലികമായി നിർത്തിവച്ചതായി ഷാർജയിലെ പരിസ്ഥിതി, സംരക്ഷിത മേഖല അതോറിറ്റി ചെയർപേഴ്‌സൺ ഹന സെയ്ഫ് അൽ സുവൈദി മാധ്യമങ്ങളോട് വ്യക്തമാക്കി. "എണ്ണയുടെ ഉറവിടം കണ്ടെത്താനും സാഹചര്യം നിരീക്ഷിക്കാനും ഞങ്ങൾ മുനിസിപ്പാലിറ്റിയോടൊപ്പം സജീവമായി പ്രവർത്തിക്കുന്നുണ്ട്, പൊതുജന സുരക്ഷയാണ് ഏറ്റവും പ്രധാനം"  അൽ സുവൈദി കൂട്ടിച്ചേർത്തു.

Al Zubarah Beach in Khor Fakkan remains closed for swimming for the second consecutive day after traces of oil were detected in the water. Authorities have not yet confirmed when the beach will reopen as cleanup and monitoring efforts continue. The precautionary closure ensures public safety while investigations into the oil spill's source are underway.