അബൂദബി: യുഎഇയില്‍ ഇന്ന് (മെയ് 21, ബുധനാഴ്ച) പൊതുവെ മേഘാവൃതമായ കാലാവസ്ഥയായിരിക്കുമെന്ന് നാഷണല്‍ സെന്റര്‍ ഓഫ് മെറ്റീരിയോളജി (എന്‍സിഎം) പ്രവചിച്ചു. ഇന്ന് ഉച്ചയോടെ കിഴക്കോട്ട് മേഘങ്ങള്‍ പ്രത്യക്ഷപ്പെടും. ഇന്ന് രാത്രിയിലും നാളെ രാവിലെയും അന്തരീക്ഷം ഹുമിഡിറ്റി നിറഞ്ഞതായിരിക്കും. ചില തീരദേശ, ഉള്‍പ്രദേശങ്ങളില്‍ മൂടല്‍മഞ്ഞ് രൂപപ്പെടാനുള്ള സാധ്യതയുണ്ടെന്നും എന്‍സിഎം പറഞ്ഞു.

കാറ്റ് നേരിയതോ മിതമായതോ ആയിരിക്കും. അറേബ്യന്‍ ഗള്‍ഫിലും ഒമാന്‍ കടലിലും കടല്‍ പൊതുവെ ശാന്തമായിരിക്കും

താപനില ഇങ്ങനെ

അബുദാബി: പരമാവധി 42°-C ഉം കുറഞ്ഞത് 28°-C ഉം.

ദുബൈ: പരമാവധി 40°-C ഉം കുറഞ്ഞത് 29°-C ഉം.
 
ഷാര്‍ജ: ഉയര്‍ന്ന താപനില 41°-C ഉം കുറഞ്ഞത് 27°-C ഉം.

ഇന്നലെ വൈകുന്നേരം അല്‍ ഐനിലെ ചില ഭാഗങ്ങളില്‍ മഴ പെയ്തു. ചില സ്ഥലങ്ങളില്‍ കനത്ത മഴയാണ് രേഖപ്പെടുത്തിയത്. മഴയുള്ള കാലാവസ്ഥ കാരണം വാഹനമോടിക്കുന്നവര്‍ ജാഗ്രത പാലിക്കണമെന്ന് അബുദാബി പോലീസ് ഓര്‍മ്മിപ്പിച്ചു. ഇലക്ട്രോണിക് ഇന്‍ഫര്‍മേഷന്‍ ബോര്‍ഡുകളില്‍ പ്രദര്‍ശിപ്പിച്ചിരിക്കുന്ന സ്പീഡ് ലിമിറ്റുകള്‍ പാലിക്കാന്‍ ഡ്രൈവര്‍മാര്‍ക്ക് നിര്‍ദേശമുണ്ട്.