ബെയ്‌റൂട്ട്: ഭീകര സംഘടനയായ ഇസ്‌ലാമിക് സ്റ്റേറ്റിനെ സിറിയന്‍-തുര്‍ക്കി അതിര്‍ത്തിയില്‍ നിന്ന തുരത്തിയെന്ന് തുര്‍ക്കി. തുര്‍ക്കി പ്രധാനമന്ത്രി ബിനാലി യില്‍ദ്രിം ആണ് ഇക്കാര്യം അറിയിച്ചത്.

അസാസ് മുതല്‍ ജറാബ്ലസ് വരെയുള്ള 91 കിലോമീറ്റര്‍ അതിര്‍ത്തി പ്രദേശങ്ങള്‍ പൂര്‍ണമായും സുരക്ഷിതമാണ്. അതിര്‍ത്തിയിലുണ്ടായിരുന്ന എല്ലാ തീവ്രവാദ സംഘടനകളെയും തുടച്ചു നീക്കിയതായും യില്‍ദ്രിം വ്യക്തമാക്കി.

തുര്‍ക്കി സൈന്യവും സിറിയന്‍ വിമതരും ചേര്‍ന്ന് ശനിയാഴ്ച സിറിയന്‍ അതിര്‍ത്തിയിലെ തന്ത്രപ്രധാനമായ ജറാബ്ലസ് നഗരം തിരിച്ചുപിടിച്ചിരുന്നു. പിന്നീട് നടത്തിയ ആക്രമത്തിലൂടെ സിറിയയിലെ ആലപ്പോയും തിരിച്ചു പിടിച്ചു.