തന്റെ നാല്പതാം വയസിയിലും പോർച്ചുഗീസ് ഇതിഹാസം ക്രിസ്റ്റ്യാനോ റൊണാൾഡോ പ്രായത്തെ വെല്ലുന്ന പോരാട്ടവീര്യമാണ് നടത്തിക്കൊണ്ടിരിക്കുന്നത്. ഇപ്പോൾ റൊണാൾഡോയുടെ നിലവിലെ പ്രകടനങ്ങളെ പ്രശംസിച്ചുകൊണ്ട് സംസാരിക്കുകയാണ് ജർമൻ ഇതിഹാസം ജർഗൻ ക്ലിൻസ്‌മാൻ. ഫുട്ബോളിലെ ഏറ്റവും മികച്ച ഫിനിഷർ എന്നാണ് റൊണാൾഡോയെ ക്ലിൻസ്‌മാൻ വിശേഷിപ്പിച്ചത്. 

''40 വയസ്സുള്ളപ്പോൾ അദ്ദേഹം ഫുട്ബോളിൽ ചെയ്യുന്ന കാര്യങ്ങൾ അസാധാരണമാണ്. റൊണാൾഡോക്ക് പ്രായമാകുന്നില്ല എന്ന് തോന്നുന്നു. ടീമിനായി അദ്ദേഹം എല്ലാം സമർപ്പിച്ചുക്കുകയാണ്. അദ്ദേഹം ഒരു മികച്ച ഫിനിഷറാണ്. അദ്ദേഹം ഇപ്പോഴും കളിയിലെ ഏറ്റവും മികച്ച ഫിനിഷർമാരിൽ ഒരാളാണ്. കളിക്കളത്തിൽ അദ്ദേഹത്തിന് എപ്പോഴും ഒരു മാറ്റമുണ്ടാക്കാൻ കഴിയും. അദ്ദേഹത്തിന്റെ മനോഭാവമാണ് കളത്തിൽ വലിയ മാറ്റമുണ്ടാക്കുന്നത്'' ക്ലിൻസ്‌മാൻ പറഞ്ഞു. 

യുവേഫ നേഷൻസ് ലീഗിൽ പോർച്ചുഗലിനെ ഫൈനലിലേക്ക് യോഗ്യത നേടികൊടുക്കുന്നതിൽ റൊണാൾഡോ നിർണായകമായ പങ്കാണ് വഹിച്ചത്. സെമിഫൈനലിൽ ജർമ്മനിയെ ഒന്നിനെതിരെ രണ്ട് ഗോളുകൾക്ക് വീഴ്ത്തിയാണ് പോർച്ചുഗൽ ഫൈനലിലേക്ക് യോഗ്യത നേടിയത്. ജഅലിയൻസ് അറീനയിൽ നടന്ന മത്സരത്തിൽ ഒരു ഗോളിന് പിന്നിട്ട് നിന്ന ശേഷമായിരുന്നു പോർച്ചുഗലിന്റെ തിരിച്ചുവരവ്. പോർച്ചുഗലിനായി റൊണാൾഡോ ആയിരുന്നു വിജയഗോൾ നേടിയത്. മത്സരത്തിൽ ആദ്യപകുതിയിൽ ഇരു ടീമുകൾക്കും ഗോളുകൾ സ്കോർ ചെയ്യാൻ സാധിച്ചിരുന്നില്ല. രണ്ടാം പകുതിയിൽ ഫ്ളോറിയൻ വിറ്റ്സിലൂടെ ജർമ്മനിയാണ് ആദ്യം ഗോൾ നേടിയത്.

എന്നാൽ പിന്നീട് രണ്ടു ഗോളുകൾ ജർമനിയുടെ പോസ്റ്റിലേക്ക് അടിച്ചുകയറ്റി പറങ്കിപ്പട ജയം സ്വന്തമാക്കുകയായിരുന്നു. ഫ്രാൻസിസ്കോ കോൺസീസ്കാവോയിലൂടെ ജർമനി സമനില ഗോൾ നേടിയപ്പോൾ സൂപ്പർതാരം ക്രിസ്റ്റ്യാനോ റൊണാൾഡോ ആയിരുന്നു പോർച്ചുഗലിന്റെ വിജയഗോൾ സ്വന്തമാക്കിയത്. 

മത്സരത്തിൽ ബോൾ പൊസഷനിൽ മുന്നിലെത്തിയ ജർമ്മനിക്ക് ഷോട്ടുകളുടെ എണ്ണത്തിൽ ആധിപത്യം പുലർത്താൻ സാധിക്കാതെ പോയി. 9 ഷോട്ടുകളാണ് ജർമ്മനി പറങ്കിപ്പടയുടെ പോസ്റ്റിലേക്ക് ഉതിർത്തത് ഇതിൽ അഞ്ചു ഷോട്ടുകളും ലക്ഷ്യത്തിലേക്ക് ആയിരുന്നു. മറുഭാഗത്ത് 17 ഷോട്ടുകൾ ജർമ്മനിയുടെ പോസ്റ്റിലേക്ക് അടിച്ചുകയറ്റിയ പോർച്ചുഗൽ ആറ്  ഷോട്ടുകൾ ഓൺ ടാർഗറ്റിലേക്ക് എത്തിച്ചു.

ജൂൺ ഒമ്പതിന് നടക്കുന്ന കലാശപ്പോരാട്ടത്തിൽ ഫ്രാൻസിനെ പരാജയെപ്പെടുത്തി എത്തിയ സ്പെയ്നിനെയാണ് പോർച്ചുഗൽ നേരിടുക. സെമി ഫൈനലിൽ ഫ്രാൻസിനെ നാലിനെതിരെ അഞ്ചു ഗോളുകൾക്ക് പരാജയപ്പെടുത്തിയാണ് സ്‌പെയ്ൻ ഫൈനൽ യോഗ്യത ഉറപ്പാക്കിയത്.

German legend Jurgen Klinsmann has spoken out in praise of Cristiano Ronaldos current football performances