തെല്‍അവീവ്: കാലാവസ്ഥാ ആക്ടിവിസ്റ്റ് ഗ്രെറ്റ തന്‍ബര്‍ഗ് ഉള്‍പ്പെടെ 12 ആക്ടിവിസ്റ്റുകളുടെ നേതൃത്വത്തില്‍ ഗസ്സയ്ക്കു സഹായ വസ്തുക്കളുമായി പുറപ്പെട്ട മദ്‌ലീന്‍ കപ്പല്‍ ഇസ്‌റാഈല്‍ തടഞ്ഞു. കപ്പലുമായുള്ള ആശയവിനിമയം നഷ്ടപ്പെട്ടു. അന്താരാഷ്ട്ര ജലാശയത്തില്‍വച്ചാണ് ഇസ്രായേലി കമാന്‍ഡോകള്‍ കപ്പല്‍ തടഞ്ഞത്. കപ്പലിലുള്ള എല്ലാവരും അവരുടെ ഫോണുകള്‍ ഓഫ് ചെയ്യണമെന്ന് അവര്‍ കമാന്‍ഡോകള്‍ ആവശ്യപ്പെട്ടു. മാദ്‌ലീനുമായുള്ള ബന്ധം നഷ്ടപ്പെട്ടതായി ഇന്റര്‍നാഷണല്‍ സോളിഡാരിറ്റി മൂവ്‌മെന്റ് സഹസ്ഥാപക ഹുവൈദ അറഫ് സ്ഥിരീകരിച്ചു.

ഇസ്രായേല്‍ സൈന്യം കപ്പല്‍ തടയുന്നതിന് തൊട്ടു മുമ്പുള്ള നിമിഷങ്ങള്‍ ജീവനക്കാരുടെ വീഡിയോ ഫ്രീഡം ഫ്‌ലോട്ടില്ല കോയലിഷന്‍ പങ്കിട്ടു. ജീവനക്കാര്‍ ലൈഫ് ജാക്കറ്റുകള്‍ ധരിച്ച് കൈകള്‍ ഉയര്‍ത്തിപ്പിടിച്ച് ഫോണുകള്‍ വെള്ളത്തിലേക്ക് എറിയുന്നതാണ് ദൃശ്യങ്ങളിലുള്ളത്.

SOS! the volunteers on 'Madleen' have been kidnapped by Israeli forces.
Rima Hassan is a French citizen.
Pressure the foreign ministries and help us keep them safe!

E: [email protected] & [email protected]
X : @FranceDiplo_EN & @francediplo &… pic.twitter.com/hypzpbwhV8

— Freedom Flotilla Coalition (@GazaFFlotilla) June 9, 2025

സയണിസ്റ്റ് സൈന്യം കഴിഞ്ഞ 20 മാസത്തിലേറെയായി തുടരുന്ന ആക്രമണത്തിലും ഉപരോധത്തിലും ദുരിതത്തിലായ ഫലസ്തീനികള്‍ക്ക് സഹായവുമായി പുറപ്പെട്ട കപ്പല്‍ തടഞ്ഞ് ഈജിപ്ത് തിരത്തെത്തിയിരുന്നു. 

ഇസ്‌റാഈലിന്റെ സമുദ്ര അതിര്‍ത്തിയില്‍ കപ്പല്‍ തടയുമെന്നും അവര്‍ക്ക് ഗസ്സയിലേക്ക് എത്താനാകില്ലെന്നും ഇസ്‌റാഈല്‍ യുദ്ധമന്ത്രി ഇസ്‌റായേല്‍ കട്‌സ് ഇന്നലെ ഭീഷണിമുഴക്കിയിരുന്നു. കപ്പല്‍ ഗസ്സയിലേക്ക് എത്താന്‍ അനുവദിക്കരുതെന്നും തടയണമെന്നും താന്‍ സൈന്യത്തിന് നിര്‍ദേശം നല്‍കിയതായും അദ്ദേഹം പറയുകയുണ്ടായി. ഗ്രെറ്റയും സംഘവും തിരികെ പോകണമെന്നും അദ്ദേഹം ആവശ്യപ്പെട്ടിരുന്നു.

ഹമാസിന് ആയുധങ്ങള്‍ നല്‍കാനാണ് സംഘം എത്തിയിരിക്കുന്നതെന്നാണ് ഇസ്‌റാഈലിന്റെ ആരോപണം. രണ്ടാം വെടിനിര്‍ത്തല്‍ ഇസ്‌റാഈല്‍ ലംഘിച്ച ശേഷം രണ്ടരമാസമായി ഗസ്സയിലേക്ക് സഹായം തടയുന്ന സയണിസ്റ്റുകളുടെ നടപടിയില്‍ പ്രതിഷേധിച്ചാണ് കപ്പലില്‍ സഹായ വസ്തുക്കളുമായി സംഘം ഗസ്സയിലേക്ക് പുറപ്പെട്ടത്. ഒടുവില്‍ വിവരം ലഭിക്കുമ്പോള്‍ ഫ്രീഡം ഫ്‌ളോടില കോലിയേഷന്‍ എന്നു പേരിട്ട യാത്രയുടെ ഭാഗമായ മദീന്‍ കപ്പല്‍ ഗസ്സയില്‍ നിന്ന് 160 നോട്ടിക്കല്‍ മൈല്‍ അകലെയാണുള്ളത്. കഴിഞ്ഞ മാസവും ഫ്രീഡം ഫ്‌ളോട്ടിയയുടെ ഭാഗമായ കപ്പല്‍ ഇസ്‌റാഈല്‍ രണ്ട് ഡ്രോണുകള്‍ ഉപയോഗിച്ച് തകര്‍ത്തിരുന്നു.

Madleen Gaza flotilla live tracker: Israel intercepts ship, contact lost