ഫ്‌ളോറിഡ: ഇന്ത്യന്‍ വംശജനായ ഗഗമയാത്രി ശുഭാംശു ശുക്ല ഉള്‍പ്പെട്ട ആക്‌സിയം 4 വിക്ഷേപണം മാറ്റി. റോക്കറ്റില്‍ ബൂസ്റ്റര്‍ ഘട്ടത്തിലെ ഇന്ധനത്തില്‍ നേരിയ ചോര്‍ച്ച കണ്ടെത്തിയതിനെ തുടര്‍ന്നാണ് നീക്കം. ഇത് നാലാം തവണയാണ് യാത്ര മാറ്റിവെക്കുന്നത്. 

ശുഭാംശു ഉള്‍പ്പെട്ട നാലംഗ സംഘത്തിന്റെ യാത്ര ഇന്നാണ് നിശ്ചയിച്ചിരുന്നത്. മുന്‍പ് മൂന്ന് തവണ മോശം കാലാവസ്ഥയെ തുടര്‍ന്ന് യാത്ര നീട്ടിയിരുന്നു. ഇതിനിടയിലാണ് ഇന്ധന ചോര്‍ച്ച കണ്ടെത്തിയത്.

നാസ, ഐഎസ്ആര്‍ഒ, സ്‌പേസ് എക്‌സ്, യൂറോപ്യന്‍ സ്‌പേസ് ഏജന്‍സി എന്നിവര്‍ സംയുക്തമായി നടത്തുന്ന സ്വകാര്യ ബഹിരാകാശ ദൗത്യമാണ് ആക്‌സിയം 4 മിഷന്‍. 

ALSO READ: തൊഴിലുറപ്പ് പദ്ധതിക്കും കടുംവെട്ട്;  തൊഴിൽ ദിനങ്ങൾ കുറയും; വരിഞ്ഞുമുറുക്കി കേന്ദ്രം 

ദൗത്യം വിജയിക്കുന്നതോടെ അന്താരാഷ്ട്ര ബഹിരാകാശ നിലയത്തിലെത്തുന്ന ആദ്യത്തെ ഇന്ത്യന്‍ പൗരനായി ശുഭാംശു ശുക്ല മാറും.  ഇന്ത്യയുടെ ഗഗന്‍യാന്‍ ദൗത്യത്തിന് മുന്നോടിയായുള്ള പരിശീലനത്തിന്റെ ഭാഗമായാണ് ആക്‌സിയം ഫോര്‍ ദൗത്യം നടത്തുന്നത്. 

ആകെ 14 ദിവസമാണ് ശുഭാശു ശുക്ല ബഹിരാകാശത്ത് ചിലവഴിക്കുക. ഇദ്ദേഹത്തിനെ കൂടാതെ ദൗത്യത്തിന്റെ കമാന്‍ഡറായ പെഗ്ഗി വിറ്റ്‌സണ്‍, മിഷന്‍ സ്‌പെഷ്യലിസ്റ്റുകളായ ഹംഗറിയില്‍ നിന്നുള്ള ടിഗോര്‍ കപു, പോളണ്ടില്‍ നിന്നുള്ള സ്ലാവോസ് ഉസ്‌നാന്‍സ്‌കി- വിസ്‌നിവ്‌സ്‌കി എന്നിവരാണ് സംഘത്തിലുള്ളത്. ഫ്‌ളോറിയഡയിലെ നാസയുടെ വിക്ഷേപണ തറയായ കെന്നഡി സ്‌പേസ് സെന്ററിലെ ലോഞ്ച് ക്ലോംപ്ലക്‌സ് 39ല്‍ നിന്നാണ് ആക്‌സിയം 4 കുതിച്ചുയരുക.

Indian-origin astronaut Shubham Shukla's Axiom-4 launch has been postponed. The decision was made after a minor fuel leak was detected in the rocket's booster stage.