തിരുവനന്തപുറം:സ്കൂൾ-കോളേജ് വിദ്യാർത്ഥികളെ ലക്ഷ്യമാക്കി മാരക ലഹരിമരുന്ന് വിൽപ്പനയ്ക്ക് എത്തിച്ച അഭിഭാഷകനെ നാഗർകോവിലിൽ പൊലീസ് അറസ്റ്റ് ചെയ്തു. നാഗർകോവിൽ വടിവീശ്വരം സ്വദേശിയും 25 വയസ്സുള്ള ശക്തിവേലിനെയാണ് കോട്ടാർ പൊലീസ് സ്റ്റേഷനിലെ പ്രത്യേക അന്വേഷണ സംഘം പിടികൂടിയത്.

ശക്തിവേലിന്റെ പക്കൽ നിന്നും 12.08 ഗ്രാം മെത്താംഫെറ്റമൈൻ മയക്കുമരുന്നും 0.42 മില്ലിഗ്രാം എൽ.എസ് ഡി സ്റ്റാമ്പും പിടിച്ചെടുത്തു. കൂടാതെ ലഹരിമരുന്ന് കടത്താൻ ഉപയോഗിച്ചിരുന്ന ഇരുചക്രവാഹനവും പൊലീസ് കസ്റ്റഡിയിലെടുത്തിട്ടുണ്ട്.

പ്രതിയെ അറസ്റ്റ് ചെയ്തതിനെ തുടർന്ന് നടത്തിയ അന്വേഷണത്തിൽ, സ്കൂൾ-കോളേജ് വിദ്യാര്‍ഥികളെ ലക്ഷ്യമാക്കി ലഹരിമരുന്ന് വിൽപ്പന നടത്താനായിരുന്നു പ്രതിയുടെ ലക്ഷ്യമെന്ന് പൊലീസ് വ്യക്തമാക്കി. കേസിൽ വിശദമായ അന്വേഷണം പുരോഗമിക്കുകയാണ്.

നാഗർകോവിൽ കോടതിയിൽ അഭിഭാഷകനായി പ്രവർത്തിച്ചിരുന്ന ശക്തിവേലിന് എതിരായ അറസ്റ്റിന് ശേഷമുള്ള വെളിപ്പെടുത്തലുകൾ സാമൂഹികവൃത്തങ്ങൾക്ക് ആശങ്കയുയർത്തുന്നവയാണ്. വിദ്യാഭ്യാസ സ്ഥാപനങ്ങൾ കേന്ദ്രീകരിച്ച് ലഹരി വ്യാപന ശ്രമം ശക്തമാകുന്ന സാഹചര്യം പരിഗണിച്ച് പൊലീസ് സേനയും എൻഫോഴ്‌സ്‌മെന്റ് ഏജൻസികളും കൂടുതൽ ജാഗ്രത പുലർത്തുകയാണ്.