ദുബൈ: ബലിപെരുന്നാളിന് നാല് ദിവസത്തെ അവധി ആസ്വദിച്ച ശേഷം യുഎഇക്കാർ ഇപ്പോൾ ജോലിയിലേക്ക് മടങ്ങുകയാണ്. പെരുന്നാൾ അവധി കഴിഞ്ഞതിനാൽ, പലരുടെയും സംശയം അടുത്ത പൊതു അവധി എപ്പോഴാണ് എന്നതാണ്?

മെയ് മാസത്തിൽ പുറപ്പെടുവിച്ച 2024 ലെ യുഎഇ കാബിനറ്റ് പ്രമേയം നമ്പർ 27 പ്രകാരം, 2025 ൽ മൂന്ന് ഔദ്യോഗിക പൊതു അവധി ദിവസങ്ങൾ കൂടി ബാക്കിയുണ്ട്. ഈ പ്രമേയം പൊതു, സ്വകാര്യ മേഖലകൾക്ക് പ്രതിവർഷം 12 പൊതു അവധി ദിവസങ്ങൾ വാ​ഗ്ദാനം ചെയ്യുന്നു.

2025 ൽ ശേഷിക്കുന്ന പൊതു അവധി ദിവസങ്ങൾ

താഴെ കൊടുത്തിരിക്കുന്ന തീയതികൾ താൽക്കാലികമാണ്, യുഎഇ സർക്കാർ ഓരോ അവസരത്തിലും ഔദ്യോഗിക സ്ഥിരീകരണം പ്രഖ്യാപിക്കും.

ഇസ്‌ലാമിക പുതുവത്സരം - ജൂൺ 26 വ്യാഴാഴ്ച (ഒരു ദിവസം അവധി)

ഇസ്‌ലാമിക പുതുവത്സരാഘോഷത്തിനായി മുഹറത്തിന്റെ ആദ്യ ദിവസം ഒരു ദിവസത്തെ അവധി നൽകും.

പ്രവാചകൻ മുഹമ്മദ് നബിയുടെ [സ] ജന്മദിനം - സെപ്റ്റംബർ 5 (വെള്ളിയാഴ്ച) (ഒരു ദിവസം അവധി)

പ്രവാചകന്റെ ജന്മദിനം റബീഉൽ അവ്വൽ മാസം 12-ാം ദിവസമാണ്. ചന്ദ്രദർശന സമിതിയുടെ പ്രഖ്യാപനത്തിന് ശേഷം കൃത്യമായ തീയതി പ്രഖ്യാപിക്കും.

യുഎഇ ദേശീയ ദിനം - ഡിസംബർ 2-3 (ചൊവ്വ, ബുധൻ) (രണ്ട് ദിവസത്തെ അവധി)

ഡിസംബർ 2, 3 തീയതികളിൽ യുഎഇ ദേശീയ ദിനം ആഘോഷിക്കുന്നതിനായി രണ്ട് ദിവസം അവധി നൽകുന്നതോടെ ഈ വർഷത്തെ പൊതു അവധികൾ അവസാനിക്കും.

കാബിനറ്റ് തീരുമാനത്തിലെ പ്രധാന വ്യവസ്ഥകള്‍

ആര്‍ട്ടിക്കിള്‍ രണ്ട്

ഈദ് അവധികള്‍ ഒഴികെയുള്ള മറ്റ് സര്‍ക്കാര്‍ അവധിദിനങ്ങള്‍, കാബിനറ്റ് തീരുമാനത്തിന് അനുസൃതമായി ആഴ്ചയുടെ തുടക്കത്തിലേക്കോ അവസാനത്തിലേക്കോ മാറ്റാന്‍ സാധിക്കും.

ആര്‍ട്ടിക്കിള്‍ മൂന്ന്

ഒരു അവധിദിനം വാരാന്ത്യത്തില്‍ (ശനി-ഞായര്‍) വരുകയോ മറ്റൊരു അവധിദിനവുമായി യോജിക്കുകയോ ചെയ്താല്‍, അത് നീട്ടിവെക്കാനാവില്ലെന്ന് ആര്‍ട്ടിക്കിള്‍ മൂന്ന് വ്യക്തമാക്കുന്നു. 

ആര്‍ട്ടിക്കിള്‍ നാല്

തദ്ദേശ സ്വയംഭരണ സ്ഥാപനങ്ങള്‍ക്ക് അവരുടെ വകുപ്പുകള്‍ക്കോ, സ്ഥാപനങ്ങള്‍ക്കോ പ്രത്യേക അവസരങ്ങളിലോ മറ്റ് കാരണങ്ങളാലോ പ്രമേയത്തില്‍ പട്ടികപ്പെടുത്തിയിട്ടില്ലാത്ത മറ്റ് ഔദ്യോഗിക അവധി ദിനങ്ങള്‍ നല്‍കാം.

After enjoying a four-day Eid Al-Adha break, UAE residents are back to work—but many are already wondering when the next public holiday will be. With the latest holiday season over, here’s what you need to know about upcoming official holidays in the UAE. Stay updated on the next long weekend!