ദുബൈ: യുഎഇയിലെ ഗതാഗത രംഗത്ത് ഏറ്റവും പ്രധാന അടിസ്ഥാന സൗകര്യമായ ദുബൈ മെട്രോ പുതിയ ശൃംഖലയായ ബ്ലൂ ലൈനിലേക്ക് (Dubai Metro Blue Line) കൂടി വികസിക്കുകയാണ്. പുതിയ നെറ്റ്‌വർക്ക് ഗ്രീൻ ലൈനിനെയും റെഡ് ലൈനിനെയും ബന്ധിപ്പിക്കുന്നു. ഇത് റെസിഡൻഷ്യൽ ഏരിയകളെ ദുബൈ ഇന്റർനാഷണൽ എയർപോർട്ടുമായി വെറും 20 മിനിറ്റിനുള്ളിൽ ബന്ധിപ്പിക്കുകയും ചെയ്യുന്നു. കൂടാതെ ബ്ലൂ ലൈൻ സർവീസ് നടത്തുന്ന റോഡുകളിലെ ഗതാഗതക്കുരുക്ക് 20 ശതമാനം കുറയ്ക്കുകയും ചെയ്യും. പ്രധാന നഗര കേന്ദ്രമായ ദുബായ് സിലിക്കൺ ഒയാസിസിനെയും ബ്ലൂ ലെയിൻ ബന്ധിപ്പിക്കുന്നു. ദുബായ് ഭരണാധികാരി തറക്കല്ലിട്ടതിന് പിന്നാലെ ഇന്നലെ ബ്ലൂ ലെയിനിൻ്റെ വിശദാംശങ്ങൾ പുറത്തുവിടുകയും ചെയ്തു. നാലു വർഷത്തിനുള്ളിൽ ബ്ലൂ ലൈൻ ഗതാഗത്തിന് വേണ്ടി തുറന്നുകൊടുക്കും.

Dubai Metro Blue Line Rout

 

സ്റ്റേഷൻ, റൂട്ട് 

* ബ്ലൂ ലൈൻ സെന്റർപോയിന്റ് സ്റ്റേഷനിലെ റെഡ് ലൈനിലേക്കും ക്രീക്ക് സ്റ്റേഷനിലെ ഗ്രീൻ ലൈനിലേക്കും ബന്ധിപ്പിക്കും. 

* രണ്ട് റൂട്ടുകളായി വിഭജിച്ചിരിക്കുന്ന 14 സ്റ്റേഷനുകൾ ഇതിൽ ഉൾപ്പെടുന്നു. 

 * പത്ത് സ്റ്റേഷനുകളുള്ള ആദ്യ റൂട്ട് ഗ്രീൻ ലൈനിലെ ക്രീക്ക് സ്റ്റേഷനിൽ നിന്ന് ആരംഭിച്ച് ദുബായ് ഫെസ്റ്റിവൽ സിറ്റി, ദുബായ് ക്രീക്ക് ഹാർബർ, റാസ് അൽ ഖോർ എന്നിവയിലൂടെ കടന്നുപോകുന്നു.

* തുടർന്ന് ഭൂഗർഭ ഇന്റർചേഞ്ച് സ്റ്റേഷൻ ഉൾപ്പെടുന്ന ഇന്റർനാഷണൽ സിറ്റി 1 ൽ എത്തുകയും ഇന്റർനാഷണൽ സിറ്റി 2, 3 എന്നിവയിലേക്ക് റൂട്ട് തുടരുകയുംചെയ്യുന്നു.

* ദുബായ് സിലിക്കൺ ഒയാസിസ് വരെയും അക്കാദമിക് സിറ്റി വരെയും ഇത് നീളുന്നു.

* നാല് സ്റ്റേഷനുകളുള്ള രണ്ടാമത്തെ റൂട്ട് റെഡ് ലൈനിലെ സെന്റർപോയിന്റ് സ്റ്റേഷനിൽ നിന്ന് ആരംഭിച്ച് മിർദിഫ്, അൽ വർഖ എന്നിവയിലൂടെ കടന്നുപോകുന്നു.

* ഇന്റർനാഷണൽ സിറ്റി 1 ഇന്റർചേഞ്ച് സ്റ്റേഷനിൽ ബ്ലൂ ലെയിൻ അവസാനിക്കുന്നു.

തിരക്ക് കുറയ്ക്കുന്നു

ആളുകൾക്ക് ഏറ്റവും ആവശ്യമുള്ളിടത്ത് സേവനം നൽകുന്നതിനായി തന്ത്രപരമായിട്ടാണ് ഈ റൂട്ട് രൂപകൽപ്പന ചെയ്‌തിരിക്കുന്നത്. യാത്രാ സമയം കുറയ്ക്കൽ, തിരക്ക് ലഘൂകരിക്കൽ, സുപ്രധാന മേഖലകളെ പരസ്പരം ബന്ധിപ്പിക്കൽ എന്നിവയിലൂടെ പുതിയ ശൃംഖല ദൈനംദിന യാത്രക്കാർക്ക് ജീവിതം എളുപ്പമാക്കാൻ ശ്രമിക്കുന്നു. 2029 ആകുമ്പോഴേക്കും 50,000-ത്തിലധികം യൂണിവേഴ്‌സിറ്റി വിദ്യാർത്ഥികളെ ഉൾക്കൊള്ളാൻ പദ്ധതിയിട്ടിരിക്കുന്ന ദുബായ് അക്കാദമി സിറ്റിയുമായും എമിറേറ്റിലെ പ്രധാന നഗര കേന്ദ്രങ്ങളിലൊന്നായ ദുബായ് സിലിക്കൺ ഒയാസിസിനുമായും ബ്ലൂ ലൈൻ ബന്ധിപ്പിക്കുന്നു. പുതിയ ലൈൻ അതിന്റെ സർവീസ് ചെയ്ത റൂട്ടുകളിലെ ഗതാഗതക്കുരുക്ക് 20 ശതമാനം കുറയ്ക്കും. ദുബായ് അന്താരാഷ്ട്ര വിമാനത്താവളവും ഒമ്പത് പ്രധാന പ്രദേശങ്ങളും തമ്മിൽ നേരിട്ട് കണക്ഷൻ നൽകുന്നതിലൂടെ, യാത്രയ്ക്ക് 10 മുതൽ 25 മിനിറ്റ് വരെ മാത്രമേ എടുക്കൂ. 

 

 

 വലിപ്പം, യാത്രക്കാരുടെ ശേഷി

 ദുബായ് മെട്രോ ബ്ലൂ ലൈൻ 30 കിലോമീറ്റർ ദൈർഘ്യമുള്ളതാണ്. ആദ്യ റൂട്ടിൽ 21 കിലോമീറ്ററും രണ്ടാമത്തെ റൂട്ടിൽ 9 കിലോമീറ്ററുമാണ്. പദ്ധതി പൂർത്തിയാകുന്നതോടെ ദുബായിയുടെ മൊത്തം റെയിൽ ശൃംഖല 78 സ്റ്റേഷനുകളും 168 ട്രെയിനുകളും ഉൾപ്പെടെ ആകെ 131 കിലോമീറ്ററായി വികസിക്കും. സ്റ്റേഷനുകളുടെ വ്യാപ്തി അനുസരിച്ച് പ്രതിദിനം പരമാവധി 850,000 ൽ അധികം യാത്രക്കാരെ വഹിക്കാൻ ഇതിന് കഴിയും. 2030 ആകുമ്പോഴേക്കും, പ്രതിദിനം 200,000 ൽ അധികം യാത്രക്കാരുടെ എണ്ണം 2040 ആകുമ്പോഴേക്കും 320,000 ആയി ഉയരുമെന്ന് പ്രതീക്ഷിക്കുന്നു.

സ്റ്റേഷനിലെ സംവിധാനങ്ങൾ

 സ്റ്റേഷനുകളിൽ പാർക്കിംഗ് സ്ഥലങ്ങൾ, ഇലക്ട്രിക് സ്കൂട്ടർ റാക്കുകൾ, ടാക്സി സ്റ്റാൻഡുകൾ, സ്വകാര്യ കാർ ഡ്രോപ്പ് ഓഫ്, പിക്ക്-അപ്പ് എന്നിവയ്ക്കുള്ള സ്ഥലങ്ങൾ, പാർക്കിംഗ് സ്ഥലങ്ങൾ എന്നിവയുണ്ട്. ഇലക്ട്രിക് വാഹനങ്ങൾക്ക് ചാർജിംഗ് പോയിന്റുകളും ഇത് നൽകുന്നു. മറ്റ് ഗതാഗത മാർഗ്ഗങ്ങളുമായി സുഗമമായി സംയോജിപ്പിക്കുന്ന തരത്തിലാണ് ഇത് രൂപകൽപ്പന ചെയ്തിരിക്കുന്നത്. ബ്ലൂ ലൈനിൽ ഒമ്പത് എലിവേറ്റഡ് സ്റ്റേഷനുകളും അഞ്ച് ഭൂഗർഭ സ്റ്റേഷനുകളുമുണ്ട്. 

Dubai Metro Blue Line: First station, train capacity, key features all you need to know