ദുബൈ: 11-ാമത് അന്താരാഷ്ട്ര യോഗാ ദിന ആഘോഷവുമായി (ഐ.ഡി.വൈ 2025) ബന്ധപ്പെട്ട് ഷാർജ എക്സ്പോ സെന്ററിൽ ഈ മാസം 21ന് മെഗാ പരിപാടി സംഘടിപ്പിക്കുമെന്ന് ദുബൈ ഇന്ത്യൻ കോൺസുലേറ്റ് അറിയിച്ചു. ഇതുസംബന്ധിച്ച് ഇന്ത്യൻ കോൺസുലേറ്റിൽ ഇന്നലെ നടന്ന കർട്ടൻ റൈസർ പരിപാടിയിൽ കോൺസുൽ ജനറൽ സതീഷ് കുമാർ ശിവനാണ് ഇക്കാര്യം അറിയിച്ചത്. ഇന്ത്യ ലോകത്തിന് സമ്മാനിച്ച പരമ്പരാഗത ആരോഗ്യ സമ്പ്രദായമായ യോഗായുടെ സമഗ്ര നേട്ടങ്ങൾ പ്രോത്സാഹിപ്പിക്കുന്നതിൽ ശ്രദ്ധയൂന്നുന്ന ഈ മെഗാ ഇവന്റ് 'യോഗാ ഫോർ വൺ എർത്, വൺ ഹെൽത്' എന്ന വിഷയത്തിൽ വിവിധ യോഗാ ഗ്രൂപ്പുകളുമായും സാമൂഹിക സംഘടനകളുമായും സഹകരിച്ചാണ് സംഘടിപ്പിക്കുന്നത്.

യോഗാ ദിന മെഗാ ആഘോഷത്തിൽ പങ്കെടുക്കുന്നവർക്ക് രജിസ്ട്രേഷന് വേണ്ടി ഒരു സമർപ്പിത വെബ്‌സൈറ്റും കോൺസുൽ ജനറൽ പുറത്തിറക്കി.

https://cgidubai.zohobackstage.in/InternationalDayofYoga2025-11thEdition#/ ആണ് രജിസ്ട്രേഷൻ ലിങ്ക്. പങ്കെടുക്കുന്നവർ എമിറേറ്റ്‌സ് ഐ.ഡി, അല്ലെങ്കിൽ പാസ്‌പോർട്ട് വിശദാംശങ്ങൾ ഉപയോഗിച്ച് രജിസ്റ്റർ ചെയ്യണം. രജിസ്‌ട്രേഷൻ നിർബന്ധമാണെന്നും അദ്ദേഹം വ്യക്തമാക്കി.

യു.എ.ഇയുടെ 'സമൂഹ വർഷം' ആചരിക്കുന്ന പശ്ചാത്തലത്തിൽ അന്താരാഷ്ട്ര യോഗാ ദിന പരിപാടിയുടെ 11-ാമത് പതിപ്പ് ഷാർജയിൽ നടത്താനാകുന്നതിൽ അതിയായ സന്തോഷമുണ്ടെന്ന് അദ്ദേഹം പറഞ്ഞു. "ഇന്ത്യൻ സമൂഹം മാത്രമല്ല, യു.എ.ഇയെ വീടെന്ന് വിളിക്കുന്ന ആർക്കും സമഗ്ര ആരോഗ്യത്തിനായി ഒന്നിച്ചുചേരാനാകുന്ന ഈ സംഗമത്തിനെത്താം. ഇന്ത്യയിൽ നിന്നാണ് യോഗാ ഉത്ഭവിച്ചതെങ്കിലും, എല്ലാ മനുഷ്യ രാശിക്കും അതൊരു നിധിയാണ്'' -അദ്ദേഹം അഭിപ്രായപ്പെട്ടു. ഇന്ത്യൻ പ്രവാസ സമൂഹാംഗങ്ങൾ, വിശാലമായ അന്താരാഷ്ട്ര സമൂഹം, യോഗാ പ്രാക്ടീഷണർമാർ, യു.എ.ഇയിലുടനീളമുള്ള വെൽനസ് പ്രേമികൾ എന്നിവരെല്ലാം പങ്കെടുക്കണമെന്നും അദ്ദേഹം അഭ്യർത്ഥിച്ചു.

കഴിഞ്ഞ വർഷം ദുബൈ വേൾഡ് ട്രേഡ് സെന്ററിൽ നടന്ന പരിപാടിയിൽ ഏകദേശം 6,000 പേർ പങ്കെടുതിരുന്നു. എക്സ്പോ സെന്ററിൽ നടത്തുന്ന ഈ വർഷത്തെ പരിപാടിയിൽ 5,000ത്തിലധികം പേർ പങ്കെടുക്കുമെന്നാണ് പ്രതീക്ഷ.

എക്സ്പോ സെന്റർ ഗേറ്റുകൾ വൈകുന്നേരം 5 മുതൽ തുറന്നിരിക്കും. പരിപാടികൾ വൈകുന്നേരം 6 മുതൽ ആരംഭിക്കും. പങ്കെടുക്കുന്നവർ സ്വന്തം യോഗാ മാറ്റുകൾ കൊണ്ടു വരണം. പരിമിതമായ എണ്ണം യോഗാ മാറ്റുകൾ ആദ്യം വരുന്നവർക്ക് ആദ്യം എന്ന രീതിയിൽ വിതരണം ചെയ്യുന്നതിനാലാണിത്.

അടുത്തുള്ള പൊതുഗതാഗത സൗകര്യങ്ങളിൽ നിന്ന് വേദിയിലേക്ക് ഷട്ടിൽ സേവനങ്ങൾ ക്രമീകരിച്ചു കൊണ്ടിരിക്കുകയാണ്.

ഗ്രൂപ്പ് യോഗാ സെഷനുകൾ, ഗൈഡഡ് പരിശീലനങ്ങൾ, സാംസ്കാരിക പ്രദർശനം എന്നിവ ഐ.ഡി.വൈ 2025 വാഗ്ദാനം ചെയ്യുന്നു.

പുതുതായി ആരംഭിച്ച വെബ്‌സൈറ്റ് വഴി രജിസ്ട്രേഷൻ ഇപ്പോൾ നടത്താവുന്നതാണ്. അബൂദബി ഇന്ത്യൻ എംബസി രക്ഷാകർതൃത്വത്തിൽ അബൂദബിയിൽ പ്രത്യേക യോഗാ ദിന പരിപാടികൾ നടക്കും.

കർട്ടൻ റൈസർ പരിപാടിക്കിടെ പങ്കെടുത്തവർക്കായി പ്രത്യേക ചെയർ യോഗാ സെഷനും നടത്തിയിരുന്നു. അഹമ്മദാബാദിലെ വിമാനാപകടത്തിൽ കൊല്ലപ്പെട്ടവർക്ക് വേണ്ടി കോൺസുൽ ജനറലിന്റെ നിർദേശാനുസരണം ഒരു മിനിറ്റ് നേരം മൗനമാചരിച്ച് ആദരാഞ്ജലി അർപ്പിച്ചു കൊണ്ടായിരുന്നു കർട്ടൻ റൈസർ ചടങ്ങ് സമാപിച്ചത്.

The International Yoga Day celebration will take place on the 21st at the Sharjah Expo Centre. Registration is now open on the official website, allowing participants to secure their spots for this wellness event. The celebration aims to promote yoga's benefits and unite people in practicing mindfulness and physical well-being.