മുരിങ്ങയ്ക്കയും മാങ്ങയുമൊക്കെ ഇട്ട കറി മലയാളികളുടെ പ്രിയപ്പെട്ട കറിയാണ്. ചോറിനു കൂട്ടാന്‍ ഇതുമാത്രം മതി. വയറു നിറയെ കഴിക്കും. തേങ്ങ അരച്ച പുളിയുള്ള കറിയായതു കൊണ്ട് തന്നെ കുട്ടികള്‍ക്കും ഇത് ഇഷ്ടമാവും. വേഗത്തില്‍ ഉണ്ടാക്കാനും പറ്റും. ഇന്നത്തെ സ്‌പെഷല്‍ കറി തേങ്ങയരച്ച് മുരിങ്ങയ്ക്കായും മാങ്ങയും ഇട്ട കറിയാവട്ടെ. 

മാങ്ങ -1 കപ്പ്
പരിപ്പ്- അര കപ്പ്
മുരിങ്ങയ്ക്ക- 4
ചെറിയുള്ളി -4
പച്ചമുളക്- 3
മഞ്ഞ പൊടി- കാല്‍ ടീസ്പൂണ്‍
ജീരക- 1 ടീസ്പൂണ്‍
വെളുത്തുള്ളി- 3

ഉണ്ടാക്കുന്ന വിധം

ഒരു കുക്കറില്‍ പരിപ്പും വെള്ളവും ചേര്‍ത്ത് വേവിച്ചെടുക്കുക. ഇതിലേക്ക് മുരിങ്ങയും പച്ചമാങ്ങയും ഇട്ട് നന്നായി വേവിച്ചെടുക്കുക. ശേഷം തേങ്ങയും മഞ്ഞപ്പൊടിയും വെളുത്തുള്ളിയും ജീരകവും പച്ചമുളകും അരച്ചതും ഉപ്പും കൂടെ ചേര്‍ത്ത് നന്നായൊന്നു തിളപ്പിച്ചെടുക്കുക. ഒന്നു കുറുകി വരുമ്പോള്‍ അതിലേക്ക് വെളിച്ചെണ്ണയില്‍ കടുക് വറുത്തതും കറിവേപ്പിലയും ഇട്ട് കറിയിലേക്ക് ഒഴിച്ചു കൊടുക്കുക. അടിപൊളി രുചിയില്‍ മാങ്ങ മുരിങ്ങയ്ക്കാ കറി റെഡി.